رد : حواء شمعة البيت .. ونوره الساطع.. حين تستقر فيه ..
الأخ الفاضل عمران بارك الله فيك انت واخونا الكريم نت مان وارجوكم لاتظلمون الحريم ترى والله مو كل الزوجات كذا والله ويشهد الله إنه هناك زوجات مدفونين في بيوتهم واللي اعرفهم كثير من حولي حتى الخميس والجمعة مايطلعون من بيوتهم إلا ماندر ولضرورة وحارمين انفسهم من الطلعات والأسواق في وقت المواسم والأعياد فقط لي جارات تقريبا عددهم خمس ماشفنا بعض من عيد الأضحى تجمعنا مرة وماعاد نعرف اخبار بعضنا إلا نهاية كل اسبوع بإتصال نتصل كل اسبوع على وحدة منهم ونسلم عليهم على السريع كنت قبل عندي وقت فراغ وهم كذلك لاكن مع المدارس وظروف الحياة ماقدرنا نوصل على بعض وحدة من جاراتنا تزوج ولدها ومارحنا لها نبارك إلا وزوجة ولدها حامل بالشهر السابع وين نطلع وين تروح اسواق وحنا عيالنا ناشبين في حلوقنا بالذات اللي عندها بنت ولا ولد يدرس بالصف الأول آه ياغصة بحلقي ما اصدق والعطلة تجي نبي نفتك بس من المذاكرة مانبغى نطلع حبالنا الصوتية بحت واحنا نذاكر للمبتدئين بالدراسة خصوصا اللي عندي الله يصلحهم ويهديهم يارب يوم الخميس لوطلعنا نشم بس شوية هواء بالبر قالت البنت امي عليه واجب امي عندي إملاء أمي عليه حفظ سورة كذا وتحن وتردد وانا ارد اليوم عطله عطله تدرون انت يا أخ عمران ونت مان أسأل الله ان يرزقكم كل واحد فيكم بنتين مثل اللي عندي بس علشان تعرفون وش كثر إحنى مرتاحين وفالينها صدق من قال مايحس بالنار إلا رجل واطيها وترى اللي تشوفونهم بالأسواق مو كلهم ربات بيوت تلاقوهم ياهم مو متزوجات ولا توهم معرسات ولا اعيالهم صغار مابعد عندهم ما مي مو با بي بو لاكن مانقول إلا الله يكون بالعون لنا احنى الأمهات
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله