بسم الله الرحمن الرحيم
السلام عليكم اعضاء هذا المنتدى الرائع
بدون مقدمات وبصراحه زوجتي لزقة بكل معنى للكلمة
مدري وش اقول بس بعطيكم السيناريو اليومي لحياتنا
تصحيني الصبح ببوسات واحضان اروح استحمى وارجع ابغى البس ملابسي تجي الا وإلا تبغى تلبسني
نروح نفطر لازم اقل شي ثلاث لقمات توكلني بيدها
اذا جيت بطلع تعال وخذ بوسات واحضان وتجلس تقرء براسي تحصنني وشوية نصائح لا تسوق بسرعه لا تجلس بالشمس وخذ من هذه النصائح
اطلع اروح العمل اقل شي اتصالين تتصل ولا رسالة واول ما تكلمني على طول وحشتني
ارجع للبيت نفس موال الصباح بوسات واحضان ووينك تاخرت ، اجي بروح الحمام تقول لي بحممك
المهم اجي اتغدى لازم ولازم الا تبي توكلني بيدها
اجي اجلس معنا ونسولف ما تحب تجلس الا وهي ملاصقة بي واحيانا تبي تجلس على رجولي
بصراحه في بداية زواجنا كنت مبسوط لقيت وحده تهتم بي لكن صار لنا الان سنة ونص متزوجين وهي لازالت على هذه الحالة
هي انسانه طيبة ومافي مثلها لكن ما ابغاها تكون كذا لازقة فيني ، حتى البيت اصبحت اتهرب منه والسبب هذه التصرفات.
صارحتها اكثر من مرة وقلت لها لاتصيري لزقة لكن مافي فايدة ، انا قلت يمكن مع الوقت بتمل وبتصير عادية لكن شكلها ما بتمل الا بعد ما تلبسني حفاظات وتوديني الروضه

شورو علي ايش اسوي