مرحبا إختي نور .. راح أجاوبك على كل شيء .. كان نفسي أعمل طريقة الاقتباس
بس لأني داخله من جوالي ماعندي هالخاصيه ..
جوابي على أسألتك كالتالي :
أولا : عمري 26 سنه وعمر زوجي 34 سنه
تزوج مرتين الأولى طلقها ولديه منها ولد وأنا أكون الثانيه ..
هل سبق وطلقني ، لا لم يسبق إن طلقني قبل كذا ..
مضى على زواجنا خمس سنوات فقط ..
بالنسبه لإرسالي رسائل له .. بعدما صارت المشكله
مااأرسلت له أبدا ويوم كذا لقيت منه رساله يقول فيها :
دائما أنتي الخسرانه وفي الاخير يرجع كل شيء على رأسك
لكن نصيحه لا تتأملي سوي اللي قلت لك عليه {يقصد تنزيل الجنين }
بس أنا مارديت عليه .. وبعدها بأسبوعين أرسلت له رساله فيها كلام كثير
قلت كل اللي ب قلبي وبخاطري وحاولت استعطفه وأذكره بالله وانه ظلمني
وظلم بنته وكانت رسالتي خاليه من أي سب أو شتم وذكرت له في الرساله
كيف انه جرحني وطردني من بيتي بسبب تلك الفتاه اللي يعرفها وكيف
كان يدافع عنها وفضلها علي وأنا زوجته .. وختمت رسالتي بأنه ظلمني
وجرحني كثير وأنا صعب أسامحه على اللي سواه فيني ولا انتظر منه رد
مجرد كلام بقلبي وحبيت أقوله .. ؤبعدما أرسلتها وتمنيت ان يكون لكلامي
في الرساله وقع في قبله ويحس شوي .. وجاني رد منه يقول : مافيه أي
كلام الين تسوي اللي قلت لك عليه .. وبعدها بدقائق فقط شفته متصل
بالواتس مع البنت اللي يعرفها وجلسؤا متصلين قرابة ألسااعه ونصف ؤبعدين
سجلو خروجهم بنفس الوقت ونفس الدقيقه وهذا اللي خلاني إتاكد انه كان
يراسلها .. أنا انقهررررررت كثير وبكيت كثير كيف بعدما أرسل له واستعطفه
وإحاول أحنن قلبه يطنشني ويروح يراسلها .. ومن القهر أرسلت له : هذي
اللي مشغلتك عني ومأخذه عقلك ومخليتك مو دراي عن بنتك .. ياويلك
من رب العالمين .. حرام عليك البنت محتاجتك ومحتاجه مصروف .. على
طول بعدها سوالي حظر ..
وبالنسبه لسوألك هل تدخل أحد من أهلي ..
لا لم يحدث إن تدخل أحد بعد اللي صار .. آخر تدخل
كان قبل لا يطردني من بيتي بساعات فقط يوم جاء أخوي
والوالد وصارت مشاداه قويه نوعا ما بينهم انتهت بخروجي
من بيتي .. وبعدها ماعاد أحد تدخل في الموضوع..

إختي نور تفاصيل المشكله إلي كانت في بداية زواجي
وضحتها في موضوعي يمكن ماانتبهتي لها بس راح
إذكرها مره ثانيه وهي اني كنت طالع مع صديقاتي
ووحده فيهم قالت انه جوالها مافيه شحن وتبي تحط
شريحتها في جوالي عشان تكلم زوجها .. وعطيتها
الجوال وكانت قد أرسلت رساله مضمونها يقول :
إذا عندك مقاطع فيديو ارسلها لي .. ؤبعدما شالت
شريحتها الرساله فضلت موجوده في الرسائل المرسله
ولما وصلت البيت وكنت جالسه مع زوجي أخذ جوالي
بشكل عفوي وكان يفتش فيه ؤشاف الرساله
وقال مين هذا وليه تقولي له أبي مقاطع فيديو
إكيد تعرفينه وضربني وصارت مشكله كبيره وصار يتصل
على الرقم ويقول يلا كلميه قدامي ومااعطاني أي
فرصه أحاول أبرر له أو أثبت له برائتي وقلت له ماادري
شيء عن الرساله وأنا ماجاء في بالي إن صديقتي
أرسلت هالرساله أبدا وبعد فتره حاولت افهم زوجي
إن صاحب الرقم هو زوج صديقتي بس ماصدقنني وقال
إكيد اتفقتي معاها تقولون كذا .. وحبسني في
البيت شهر وبعدها أمي أصلحت بينأ وقال خلاص
نبدأ صفحه جديده وبحاول اتناسى اللي صار ..

بالنسبه لبناء البيت هو قبل لا تصير بينأ المشكله
كان يبني بيت لبنتي ولابنه اللي من طليقته وقال
انه يبي يأمن مستقبلهم بس فيه واحد من البيتين
لسه مااكتمل بناؤه إلا الآن بسبب ظروف ماديه
..
وسؤالك مأمصلحة صديقتي تنقل لي أخبار ..
لأن زوجها صديق زوجي ؤاوقات يصارحون
بعضهم ببعض المشكلات اللي يواجهونها
وأنا بحكم إن زوجي ما يكلمني ولا أكلمه
طلبت منها تكون توصل لي أي أخبار جديده
عن زوجي لأنهم يتراسلون كثير بالواتس وهي
تراقب كل شيء وتجي تقول لي ههههههه

نعم هي حفي الفتره الاخيره قالت بحاول افهم زوجي
مشكلتك وإخليه يكلمه ويفهمه وينصحه ..
وحاول زوجها يفاتح زوجي بالموضوع بس قالت
إن زوجي يتهرب من الكلام ويحاول يغير ألسالفه
عشان مايبي يتكلم في هالمشكله ..
ووعدتني إن زوجها يحاول يكلمه مره ثانيه لعل
وعسى ..

وهذي كل أجاباتي على تساؤلاتك واستفسارتك إختي نور
وأعذريني على الإطاله بس لأني حبيت أحطك
في الصوره بشكل كامل ..

انتظر ردك .. ومشكوره جدا على تفاعلك معي ..