مرحبا إختي .. كلامك منطقي جدا وراح أجاوبك على اسألتك،،
بالنسبه لأول سؤال أنا ماعمري قابلت أهله وأسرته بحكم تواجدهم
في بلد آخر بس اللي فهمته من زوجي ان أبوه كان يعاملهم بقسوه
وشده وكان يعامل والدته نفس ألشي وعاشت حياه مليئه بالمشاكل
وتوفي أبوه وتولت والدتهم تربيتهم وتعبت كثير.. وزوجي كان دائما يحكيلي
هالشيء .. بالنسبة لأخوتهم الذكور لا أعرف طبيعة ماعملتهم لزوجاتهم بالضبط
بس هم بشكل عام ناس صارمين وشديدين في تعاملهم مع زوجاتهم ..
وإللي فهمته ان البيئه اللي ينتمي لها زوجي يكون فيها الرجال والنساء
ذوي شخصيات قويه وحازمه ..
مفهوم الرجوله عندهم لازم كل واحد يكون شخصيتى قويه ويأمن مستقبله
ويهتم بعمله بحكم الظروف اللي مروا فيها ..
وقبل الزواج أهلي سألوا عنه كثير وعن أسرته وأخوته ووصلتنا أخبار انهم ناس
مافيهم إلا كل خير ..
فيه سؤال غفلت أنا عنه وهو هل زوجي يحبني ؟
إحب أقول لك ان طوال فترة زواجي وأنا أسأل نفسي هالسؤال
لأن زوجي مش من النوع اللي يصارح بكلام الحب والغزل والرومانسيه
بس بعض تصرفاته كانت تخليني إقول انه يحبني وأحيان تصدر منه تصرفات
تخليني أقول العكس انه ما يحبني بس مش معانته انه يكرهني ..
لكن إلا يومك هذا مازال هالسؤال يراودني كثيررررر..

عندما كان ينادي بالتخلص من الجنين .... الخ
الاجابه هي بعدما أنجبت ابنتي البكر اتفقنا ماننجب طفل آخر
إلا بعد فتره لا تقل عن سنتين أو ثلاث ولكن فجأه اكتشفت
إني حامل ؤانا نفسي تضايقت شوي لأني حسيت التوقيت مو
مناسب للحمل وكذلك زوجي وافقني هالشيء بس بالأخير تقبلنا
أمر الله وقلنا يلا مو مشكله يكبروا الاثنين مع بعض بس سبحان
الله بعد فتره حدثت هالمشكله ..
ماكان يكره الأطفال بس كان لما عرف بالحمل
كات يقول والله لسه بدري خلينا شوي لاحقين على الإزعاج
ووجع الرأس شوفي كيف عندنا وحده ومزعجتنا ..
وكان قصده بس بعده فتره نفكر بانجاب طفل آخر مش الحين ..

بالنسبه للتغيير .. صراحه كان زوجي دائما يبغاني إتغير واغير من نفسي
في كثير من الأمور وكنت أسعى جااااهده عشان أرضيه .. وأكثر
ولأني كنت معاه حنووووونه وروماسيه في أغلب تصرفاتي كان يقول
ماابغاكي كذا أنا إبغا وحده قويه وتهتم في البيت وتدبير المنزل والمطبخ
وتنويع الأكل صحيح في البدايه حسيت هالأمور إتعبتني وأخذت من وقتي ونفسيتي ..
لأني ماكنت أعرف كيف أرضيه كل يوم يبغا أكله
جديده وكل يوم لبس جديد ولا استمر بنفس اللبس أغلب الوقت
لازم أغير أكثر من مره وووووو كثير من الأمور بس في الفتره الاخيره حسيت اني
بدأت ارضيه وصار يمدحني كثير ويقول انه بدأ يلاحظ اني تغيرت في كثير من الأمور
وماتتصوري كيف فرررحت انه عجبو هالشيء لأني كثير تعبت بس عشان ارضيه ..

بالنسبه ل هل كان يرى اني مااصلح أم للطفل القادم ؟
أصبح يرى هالشيء بعد المشكله اللي حدثت آخر مره وكان يقول
أنا خلاص ماصرت أثق فيكي ؤانتي وحده ماعاد لها أمان وماابغا منك عيال
يشيلوا اسمي ..


بس حبيت أوضح نقطه لما قلتيي انه أنا أخبرت أهلي عن اللي صار ومأكان المفروض
أخبرهم .، بس صدقيني مش أنا اللي كلمت أهلي هو بنفسه اللي كلم أبوي بكل شيء
ؤكمان كلم أبوي حتى بمشكلة بداية زواجنا لأن أبوي ماكان يدري عنها .. وأنا نضايقت ليه
مأخلينا نحل اللي صار بينأ وبس ليه راح يقول لأبوي كل شيء ..

على فكره أنا مااتصلت ب أهلي هو اللي أصر ان اتصل فيهم يجو يأخدوني من البيت
وكنت رافضه هالشيء لمدة أسبوع يعني هو بعدما شاف الرساله ثاني يوم طردني وقال ماابغاكي
بس أنا جلس أسبوع كامل قلت عشان تهدئ الأمور ونحل مشكلتنا بدون تدخل من أحد
بس للأسف آخر يوم قال أصلا أنتي ماعندك كرامه لو وحده ثانيه كان قالت طز فيك وبعيالك وراحت
تجهض الجنين ؤبعدين تنقلع لأهلها .. بس أنتي ماعندك كرامه ،، وأنا صراحه استفزني كلامه كثير
وقلت له طز فيك انت بس عيالي لا وهالجنين ماراح أنزله ..

ولما ذكرتني انه بعد أسبوع قمت ذكرت زوجي بمسألة الإجهاض ..
أنا ماكنت جاده بهالشي بس لأنه طوال 7 أيام بعد المشكله وهو في
كل يوم يقول يلا أنا حجزت لك عند دكتوره تروحي تنزليه ؤبعدين يصحى
ثاني يوم ويطلع للدوام وكل يوم على هالحال يذكرني بالموعد ؤبعدين
ثاني يوم يطلع واستغربت ليه يسوي كذا .. وآخر يوم قلت خليني اشوف
ردة فعله وافهم ليه يسوي كذا وأرسلت له بالواتس بعدما طلع للدوام
وقلت له أنا جاهزه نروح للدكتوره ليه طلعت ؟
قال خلاص اليوم في الليل .. وكان قصدي بس إشوف ردة فعله
ولا أنا من الأساس رأاافضه أنزل الجنين لو كان صادق .

وهذا كل شيء تقريبا وان شاءالله مااكون نسيت شيء ،،

نقطه أخيره ،، لما ذكرتني اني فعلا خسرت بسبب خروجي
من البيت وكان ينقصني طوال فترة زواجي تثقيف نفسي
هل هذا معناته ان زوجي خلاص ماعاد يرغب فيني
..
وهل تعتقدي إختي انه ممكن صار يكرهني ؟
لأني وبرغم كل شيء مازلت أحمل لزوجي وافر من الحب
ماالله به عليم ..

اعتذر عَ الإطاله مره ثانيه وانتظر ردك..