براءه حبيبتي اسمعيني كويس

وضع زوجك مختلف عن زوج دلوعه كثير

أولا زوج دلوعه كان يمارس اللواط ..
ثاني شي انتي لسه ببداية زواجك وزوجك لا زال متعود على شباب العزوبية وطلعاتهم .. واغلب الشباب هيك يكونوا باول زواجهم وشوي شوي يتعودوا على زوجاتهم ويبعدوا بالتدريج عن السفرات هذي لو كان فيها شي من اللي ببالك .
ثالث شي ما أقول أن زوجك متدين ولا هو غض بصره ولا أقول أنه ملتزم لكنه صادق ..رجل شفاف صادق معك وواضح ..يقول لك بكل عفويه الحمد لله أشتغل بمكان مو مختلط .

زوج دلوعه ما كان مقبل عليها لا جنسيا ولا حتى كتعامل .. مع انه بينهم عيال ومتزوجين من زمان .

كان رجل غامض ما تعرف عنه كثير أشياء .

فرق حبيبتي بين شاب متعود يطالع مع أصحابه ويمزح معاهم على فلانه وعلانه ..ويمكن كان يكلم بنت وللا يتسلى بشات ... لكن أن نقول أنه صاحب علاقات ورجل مو نظيف تخافي منه ينقل لك أمراض فهذا قذف وحرام وما عندنا ولا جزء من دليل يقول انه كذا .
المواقف اللي ذكرتيها كلها تصير من أي شاب غير ملتزم وعفوي ... لكن في حدود يلتزم فيها حتى هذا الشاب .
ممكن يطالع .. ممكن يتكلم .. لكن أن يزني فهذي مو سهلة حبيبتي فما بالك باللواط.

استهدي بالله حبيبتي .. ولا تخربي زواجك وبيتك ... لو تحبي تريحي نفسك أجلي الحمل شوي الى أن تفهمي زوجك أكثر وتعرفيه أكثر .
ونصيحتي لك هي نفسها .. روحي عيشي معاه وبإصرار .جلسات الليزر تقدري تاخذينها لما تزوري أهلك كل شهر مرة ,, وأي نشاط ممكن تلاقي له بديل هناك .
تقربي من زوجك واشغليه فيك وعوديه يكون لكم علاقة يوميه ..استهلكي طاقته العاطفية والجسدية .واستعيني بالله على حسن التبعل وربنا بيمدك بعون من عنده ..

عوديه على تلبية طلباتك بالدلع والتدلل والميانه عليه .. ولا تاخذي المضوع موضوع كرامه .. انتي قاعدة ترسخي قواعد لحياتكم مع بعض بأنه هو المسؤول عنك ماديا .. الموضوع مو مسأله فستان وللا الطلب المادي بحد ذاته .. انظري للموضوع من هذي الزاوية وبتلاقيها صارت اسهل عليك ان تلحي وتستخدمي كل أنوثتك حتى يعطيك .
ولو مرة ما زبطت معاك بتزبط المرة اللي بعدها لا تيأسي . ولما يعطيك كافئيه بسخاء .
كل ما زادت الفلوس بيده بيروح هو يصرفها ..لا .. إصرفيها انتي أول بأول .

ادخلي النت وتعلمي بأمور العلاقة الزوجية .

__________________