السلام عليكم ورحمة الله وبركاته
وعليكم السلام ورحمة الله وبركاته
بالبدايه تحيه لكم جميعاً
موضوعي وبدش فيه على طول من غير مقدمات
يا جماعه بديت أتحسف على كل ثانيه وعلى كلى لحظه قضيتها وياها
على كل لحظه قصيت على روحي فيها أنها ممكن تتغير
متأكد انها ما تغيرت ولا بأي فترة من الفترات ؟؟
القلب امتلاء من صوبها
يالتيني أقدر أرد لها ربع العذاب اللي عيشتني فيه
على هذا كله مب قادر أذيها
أغفر لها زلاتها اذا تذكرت ظروفها
أغفر لها لشفت عمري وحياتي غلا
أضعف جدامها لشفت دموعها
يا جماعه انسانه ما عرفت شلون أرضيها
شنو بغت بحياتها استويت مب عارف
بغيت اخسر أهلي وسبب حبي لها
مع هذا كله مب قادر أحصل حرمه تحل مكانها
زوجتي الثانيه قايمه بواجباتها ودور رضاي لكني والله مب قادر أحبها
وأعلنتها لها صراحه وفاجأتني أنها عارفه وحاسه بحبي لزوجتي الاولى
بغيت أشيلها من قلبي وعقلي
هي بنت عمي وزوجتي وأم لبنتي وبتظل جي
ومستحيل أتنازل عنها
عرضت عليها فكرة السفر للعلاج لكن بشرط ما تعلم أحد من أخوانها لانهم مستحيل يوافقون
رافضه وقالت اذا غصبتني بفضحك عندهم
شنو أسباب رفضها ؟؟؟
قلت لها عجيب امرج
فوق أني بترك شغلي ولا تنسين انه عندي زوجه ثانيه غيرج
وسفرنا ممكن يتجاوز شهر
قاعد تفكر بنفسك وبتضحيتك وما فكرت برغبتها لدرجة انك ما ذكرت شنو سبب رفضها
تخيلوا بكل برود ترد وتقول أنا غير عنها
توقع ردة فعل من هذا النوع بكل مرة تقارنها بزوجتك الثانية .. الغيرة مو سهله .. ولجين ما تقدر تعبر عن غيرتها .. ما تعودت غير على البكا أو الرد الحاد .. وانت لغاية الان مو قادر تدرك أنها تغار عليك بجنون من زوجتك الثانية بالذات خاصة وانت سبق وقلت لها أن زوجتك الثانية أحسن منها .. مع هجرك لها الان والسماح لزوجتك الثانية بكل ما هو ممنوع عليها ثارت غيرتها أكثر وأكثر
قالت لك أنا غير عنها تنتظر تسمع منك كلمة حب ... تنتظر تسمع منك أنتي فعلا غير عن كل نساء العالم ..
حلو أنك تقول لنا عن مشاعرك لكن متى اخر مرة سمعت هي منك كلمة تحسسها باحترامك لها وكيف كان تصرفها معك وقتها ؟؟ أسوأ وللا أحسن من غسل الشراع ؟
انا حزتها عاد ما قصرت وغسلت شراعها
يا اخوان مب عارف شلون أتفاهم وياها؟؟؟؟
هجرتها هاوشتها عاقبتها هددتها يشهد الله أنه بالنهايه نتيجة وحده
ممكن تتغير جم يوم وتلين ولكن الموضوع ما يطول عندها
يمكن ما تشوف منك تجاوب للينها فترجع .. التجاوب من وجهة نظرها هو بتخفيف الممنوعات مش بالعواطف
مستحيل تتنازل واللي براسها بغت تنفذه عنيده بطريقه مستفزه
والله وصلت لمرحله أني أشك فيها واجهتها وسالتها
يا بنت في راسج أحد ثاني وعمي (( الله يرحمه )) جبرج تتزوجيني
قلت لها أدري أنه فلان خطبج وفلان وعلان حتى أخوي العود خطبج أنتي بغيتي أحد فيهم خليني أفهم
عطتني نظره وعلى الصامت من غير ما حتى أدافع عن نفسها
ولو دافعت عن نفسها كنت بتصدقها ؟؟
تركتني ولا كاني ارمس وياها
مليت من تصرفاتها ومن حياتنا
المشكله أنها تمر علينا لحظات تكون فيها قمة بالوناسه والسعاده لكن الموضوع ما يدوم وياها