رد : { مميز } ايش عاميلن على الغدا....... الغدا على مين اليوم@-@
الأخوات الغاليات أوناا
بيتا2
ملك شادي
دوندرمه
الله يعافيكم ويجزاكم خير وتسلمون حبيباتي وهذا من ذوقكم الحلو
بالنسبة لوصفة المصقع لأختي الغالية بيتا2 حاضرين من عيوني وتأمرين أمر يالغلا
اول شئ تجهزين الخضار وتقطعينه شرائح اما بشكل دائري او طولي حسب رغبتك وتحطين زيت وتقلي فيه شرائح البطاط والكوسا والباذنجان والجزر على دفعات ويفضل الباذنجان يكون آخر دفعه علشان البذر اللي فيه مايتعبك في الزيت وتجيبين حبتين فلفل رومي وحبتين بصل كبيره واربعة فصوص ثوم مهروسه ولحمه او دجاج مفروم مثل اللي نحشي فيه السنبوسه وتقطعين البصل والفلفل الرومي الى قطع صغيرة وتحطين شوية زيت بالقدر اللي معد لطبخ وتحطين القدر على النار وتضيفين البصل والفلفل الرومي المقطع مع فصوص الثوم المهروسة وعليها مكعبين ماجي وتقلبينها الين تبتدي تحمر وتضيفين عليها اللحم المفروم او الدجاج وتقلبينه وتحطين عليه نص ملعقة كركم وملعقة بهار مشكل وماتضيفين ملح لأنه مكعبات الماجي خلاص يكفي وتستمرين في التقليب حتى اللحم يستوي طبعا ماراح ياخذ وقت منك كثير وبعد مايستوي تضيفين عليه شرائح الباذنجان والكوسا والبطاط والجزر اللي قليتيه بالزيت وتقلبينه وتوطين عليه النار وتاخذين حبتين طماطم وتحطينها بالخلاط وتضيفين عليها ملعقتين صلصة طماطم وتخلطينها وتضيفينها على المصقع في القدر وتقلبينها خمس دقائق مع بعض وبكذا يكون خلصتي وراح تاكلي أصابعك وراه وبالصحة والعافية يارب
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله