اونا فطايرك لزيزة
وماادعي عليكي ولاشي حبيبتي عادي انا حتى فطاير المطبق ولا مرة طبقتها تماما لانها تحتاج رق كبير جدا وانا مالي خلق ابدا
الموووهم
المحاشي ؟زوجي مايحبها كتير عادي يعني
اما انااعتبر يوم المحاشي يوم السعد والهنا
والحقيقة انا اتعب
وانا اكل اكتر من الكل فيها
يعني انا الي مااخلي نفسي احس بالتعب خخخخخ بس الي يقهرني قال زوجي المحاشي شيء عادي وليس مميز
بالنسبة لطبخة السبانخ شوفي
اول شي تغسلي السبانخ منيح
و بتقطعيه صغير
في حلة تحطي زيت زيتون او عادي
و حطي بصل مقطع وممكن توم مهروس ولو ماحطيتيه حينحط بعد هيك
المهم وبتقلبي البصل وممكن عندك لحمة قطع صغيرة مسلوقة ضيفيها هون مع البصل
وبعدين بتضيفي السبانخ و بترشي ملح ووطي النار وغطي عليه حتلاقي انو انكمش و ميته نزلت و تقلص حجمه كتير كتير
بعد هيك مابيطول يادوب يغلي تلاقيه صار بدو يستوي
تروحي تضيفي فلفل اسود وبهار و سماااااااااااق الي صاير حبيب قلبك
وحمص مسلوق
وحبة بندورة مكعبات
ولو ماكنتي ضايفة التوم المهروس بالاول هون حطيه بس مش مهروس حبات كاملة مقشرة فقط
انا افضله مهروس طبعا عشان مايطلعلي الغام وانا باكل في تمي
وبس شوي غطي عليه بيخلص وبالاغلب يمكن ماتحتاجي مية لانو الملح بخليه ينزل ميته كلها
وان احتجتي يادوب نتتتتتتفة
وقدميه مع الرز الابيض
الفطاير :
ياقلبي عجينتها مش اختراع
بس الاختراع في فردها للاسف
العجينة تجيبي الطحين الي تبغيه
خليجي ها
هههه
المهم و تضيفي ملح مش رشة زي العجين العادي لا يعني رشي اكم رشة بس بنفس الوقت مش تخليها مالحة مالحة يعني
و بتضيفي رشة خميرة خفيفة وممكن بدون خميرة لانو هية اصلا مش مفروض تنفش وبتكون مطبقة عحالها
و ممكن رشة زيت
ومية دافي للعجن
واعجني لغاية متصير لينة وحلوة وبتتركيها ترتاح
وهلأ حشوة السبانخ عطيتك اياها واللحمة كمان
في حشوة الحلو
مكسرات مكسرة ناعم زي القطايف يعني مش بودرة بتعرفي كيف اكيد
مع سكر وقرفة وزبيب
الموهم
دحين
بتحطي قدامك شي خشب
لازم خشب مرمر ما ينفع
طبلية مثلا
و اتفردي اول قطعة عجين
وانت تفردي ادهني زيت
كثري يعني
وافردي رقيق
بحيث تصير رقيقة دائرية او مربعية
وهية حتكون شبه شفافة ورقيقة كتير فانتبهي بالتعامل معها
وطول الوقت كل متفردي وتحسي الزيت راح ارجعي ادهني زيت
بعدين اثني طرفين اتنين من العجينة الي صارت مفرودة و رقيقة و جاهزة اوكي؟
وضيفي في النص حشوة
وبعدين سكري عليها بالاطراف الي ضلت وبتكون طبعا صار فيها ثنية برضو
ان شاءالله فهمتي ؟؟؟
وادهني زيت كل مرة طبعا
وانقليها بحذر لانها رقيقة
طبعا سر الثنية الاولى انو العجينة رقيقة جدا مابنفع نحط الحشوة عطول عرقة وحدة والا بتطلع بالمرة و بتنخرم وبتنزل الحشوة وبتخنقي حالك بعدين
انقليها بحذر عصنية الفرن المدهونة زيت بشكل جيد
يعني شوفي العجينة مافيها زيت الزيت كلو كتير في اثناء الرق
وبس هيك
وفي يعملو اللحمة لولبية او حلزونية
بانهم يحطو اللحمة عطرف وخلص يلفوها رول بعدين حلزون
وخلص اخبزي وكووولي وتهني
اقلك السر هادا كلو عمايل ماما
انا جربتها مرتين تلاتة في حياتي الزوجية
وصراحة انا لي نفس في الاكل ماشاءالله تبارك الله
ولكن ........ ماليش خلق في بعض الامور
يعني ماعمري تصبرت في الرق الين تصير زي مقلت
احس بدي انهار من الملل
للاسف طبعي ملوووول
اخليها رقيقة كتير بس مش لدرجة الشفافية وبتطلع زاكية برضو
شوفي حالك كيف وشلون و ازاي؟
بلكي جربتيها ووريتينا اياها
تحبي المقلوبة ؟؟؟
عملتها قبل يومين وناوية انزلها في موضوع يخص اكلات شعبية فلسطينية
ناوية اعملها سلسلة
بس عارفة حعمل طبخة واتنين بعدين حيندثر الامر خخخخخ