ماهو لازم الحب يختي وبيجيك مع السنين بس لاتستعجلين وعادي عيشي حياتك أنا مثلك حديثه زواج مابعد مر سنه على زواجنا وللحين ما فهمته ولا فهمني وعصبي أحيانا بس هذا مايخليني افكر ولو فكره بالطلاق أعوذ بالله
والله لو اذكر صفات زوجي السيئة ما تصدقون ان فيه إنسان كذا بس انتي تغاضي عنها وركزززي على ايجابياته
ولو حسنه وحده فيه هذي تكفي مثل تقربه إلى الله وصلاته اهذي صفه حلوه وتكفي انك تتغاضي عن جميع سيئاته او عينه ماهي زايغه ومايطالع كثير في النساء هذي أيضاً تعتبر حسنه من الحسنات اللي تجذب وتخليك تتعلقين فيه وحاولي انك تخبرينه بهذه الصفه وأنك معجبه بها ويتشجع انه يقويها و يتمسك فيها عن تجربه وأقولك تجربتي زوجي من النوع اللي كان يسمع أغاني بس اذا ركبت معاه بالسيارة يشغل أناشيد وقصائد وصرت أشجعه وأحمل له من اليويتوب مقاطع ونشغلها اذا كنا بالسيارة سواء سوق او ناس او سفر ولما رحنا لاهله مدحته وهو جالس قلت الحمد لله زوجي(اسمه) ماعد يسمع الأغاني مرره وقطعها واستبدلها بالأناشيد والقصائد( معا انه يسمعها أحيانا بس يعني ماقطعها )فرح وصار فعلا متعلق بالأناشيد وصار يحمل كل يوم انشوده يسمعها وهو جاي من الدوام

يمكن طلعت برا الموضوع بس ابي أوضح لك كيف اني حولت حسنه بسيطه وخليته يقويها بالمدح
سنه مؤ كافيه لفهم بعضكم ربما تأخذ سنين وهذا طبيعي لا وحكمين عليه من الحين