ما اسهل الحكي
كلامك جميل وحلو
ضحكت لما قلت لازم اقبل بربع رجل
معقول بطل فيه وفاء من الرجل
الزوجة اللي صبرت 14 سنة على كل بلاويه وتحملت كل ظروفه وباعت ذهبها وحرمت نفسها من كل متع الحياة والله ابتلاها بزوج متسلط كل شي ممنوع وافقدها الثقة بنفسها وخلاها تترك شغلها ومنعها من الصالونات والطلعات ومنعها من اهلها
بتعرف اني صارلي 9 سنين ما شوفت اهلي
بتعرف اني بنام بالمطبخ لانه مسكني بملحق صغير انا واولادي
يلي قاعد وبتطالب بالتعدد وانه لازم كل زوجة تقتنع بربع رجل
بتعرف اني بعت له ذهبي من اول اسبوع من العرس
بتعرف انه جاب امه عمرها 80 سنة وانا لسه عروس صارلي شهر وكنت حامل وكنت احممها والبسها واجهز لها فطورها وعشاها وغداها واحني شعرها واغسل ملابسها واعطيها الدوا بمواعيده وجلست سنتين وبعدين اكتشفت انه خدمة اهل الزوج غير واجبه على الزوجة
شوفت الجهل وما يسوى
بتعرف انه خاني خيانة زنا وهو اعترف بلسانه مع وجود ادلة وبعدين تورط بحمل الخبيثة وتزوجها
بتعرف انه مقصر معي بالنفقة وما بيصرف غير الاكل والشرب
بتعرف انه هاجرني بالفراش من سنين
وبدل ما يكافئني بنهاية الخدمة بساعة الماس او سيارة جديدة من غير شر او سفرة حلوة لمكة او المدينة او يبني لنا بيت للاولاده يامن مستقبلهم واحنا ببلد غريب
راح خان 4 سنين وبعدين تزوج الخبيثة والحين ناوي على الثالثة بحجة ما راح تكلفه شي
يامن تطالب بالتعدد
التعدد له اصول وله شروط وله رجال
وليس أي رجل يصلح له التعدد
رجال اليوم بياخذوا من الدين اللي بيعجبهم وهو حتى صلاة الفجر ناسيها
وين العدل بقصتي انا
ياخي انا مو رافضة موضوع زواجه ان شاء الله يتزوج مليون
بس يعطيني حقوقي وحقوق اولاده

__________________
انا لله وانا اليه راجعون