جميع أعضاء المنتدى
السلام عليكم ورحمة الله وبركاته

اتمنى ما اطلع من هذا المنتدى إلا بجود حلول حول كيفية إيقاف هذا الشك بكل الطرق

أنا شاب متزوج ولله الحمد من فتاة تبلغ من العمر 19 سنة تصلي مهتمة بنفسها وفي البيت وانا 29 سنة ومالنا الان الا 4 شهور متزوجين من بادية الشهر الاول من الزواج اللين الشهر الثالث والله حياتنا من أحلى مايكون سفريات فنادق مطاعم ... بكل خرجة اعطيها كلمات غزل وحب وبكل جلسة حب وغزل وهاديات والله وجوال ايفون 5 وعطور فجاة بداء الثقة تقل من ناحيتها بدون أي سبب مبرر قلت انا امكن تدلع ولا هذا ثقل علينا وتبي تجربني وفعلا والله انها ماتثق فيني وبدات تشك فيني شك غييير طبييييعي اذا جوالي رن والله صااااااروخ تشوف بس مين دق وكم مره تعيد الحركة هاذي واسالها ليش طيب وش معنى هاذي الحركة .... تقوم تقولي لالا اشوف بس مين امكن بنت اشوف بس انت حق بنات ....قلت هل في يوم من الايام شفتيني اكلم بنت بالجوال ولا غيره .... شوفوا وش تقول تقول امكن من قدامي ماتسوي شي الرجل المحترم ومن وراي اف اف مدري عنك .... علماً بأاني والله العظيم ماني حق بنات ولا طلعات كثيرة وهي عارفة من ايام الملكة بس فجاة قلبت .... سالتها في احد قالك عني شي قالت لا قلت طيب حلو يعني من راسك تشكي قالت ايه قلت طيب لو انا شكيت فيك وش موقفك ... قالت اصلا مافيني شي يخليك تشك انا ادري بنفسي ..... فهمتها بكل الطرق وانا والله ما اخذ راحتي وهي كل مالها تزودها اللين وصلت انها ... لو ابي اخرج مكان تحقق معاي بكل طلعه وخرجه ولو لبست وتعطرت ورحت الاستراحه ملكي ولا رحت بيت عمي مع اخواني ونلعب هناك بلايستشن ... تقولي ها ويييين كاشخ اليوم ها في احد مستنيك ..واروح هناك بس اتصالات مع ذلك اعلمها انا طالع بيت عمي تقول صدقتك ... اطلع من البيت اروح اي مكان ولو طولت عليها والله اني ارسلها رساله اقول وحشتيني اللين ماوصل البيت اول ما ادخل البيت ابتسم واضحك وانا نيتي صافيه عشان شوفتها والله اشوفها اقولها وحشتيني .. كاني اكلم جدار تقوم تقولي ماشاء الله مبسوط تجي اللين عندي وتشوف رقبتي وتطالع في الملابس تشوف في شي ....؟ والله انا بتجنن من هاذي البنت ... أنزل تحت بيت اهلي تنادي علي كل ما انزل تنادي علي اقول يعني ما انزل ما اجلس مع اهلي تقول لا اجلس معاي .... وان جلست معاه تسالني اسئله والله اني في غنى عن اجابتها ... كيف كنت قبل الخطبة كنت تكلم بنات بصراحه بصراحه تقولي وانا استغرب من تصرفاتها ... اتابع مسلسل مراد عالم دار تسحب الجهاز من يدي وتقلب .نطلع نتمشى صارت تخرب الجو .. ويم من الايام يوم جتني رساله من خالي من خارج المملكة عن طريق الوات ساب والله مثل ما اقولكم الساعة 2 بالليل وانا نائم كاتب فيها كيفك ياقمر شافتها زوجتي وانا نائم صحتني من اعز نومي تقول قوم من هاذي ها من هاذي وكاتبتلك كيفك ياقمر ماشاءالله والله فهمتها اقولها والله العظيم خالي ورديت عليه برساله قدامها عشان تشوف بعينها وتنطم قلت هلا حبيبي قالت كمان هلا حبيبي طنشتها قلت كيفك قال الحمدلله تقول لا لا دق عليه وانا ماعندي رصيد يومها قلت ياخال دق علي بالله قالي ما اقدر انا بالمحاضرة وعلماً هو في واشنطن يحضر دكتوراه وقالي اخلص واتصل عليك ... وهاذي مش راضيه تهداء اللين ما يدق .... انا خلاص والله انهبلت وقمت كسرت الجوال ايفون 5 والله مقهور على الجوال وقمت صارخت فوقها من تصرفاتها اللي جابتلي الملل والله نكدت علي عيشتي وما رجعت نمت ما رحت العمل بسبتها .... ما ودي امد يدي عليها ولا .... كان ودي والله بس لعنت الشيطان وقلت العني ابليسك يابنت قامت تعتذر .... ثاني يوم رحت اشتريت جوال الايفون وياليتني ما اشريته وصلت البيت وشافت الايفون فتحته وركبت الشريحه .... شوفي وش قالت قالت ليش ما تاخذ جوال عايدي قلت طيب هذا عايدي ومافي الا هو اللي يناسبني وانا احب الايفون سكتت شوي راحت المطبخ ومن وسط المطبخ قالت هاااا خالك اتصل فيك وهي عارفه ان جوالي كسرته بسبتها تقول اتصل عليه قلت والله العظيم ما اتصل وان ما ستكي ما يحصل خير وقمت وخليت جوالي بالشاحن اتصل علي واحد من خوياي وانا عند اهلي طلعت فوق قالتي واحد اتصل عليك ورديت بس ما قلت الو كنت ساكته قلت طيب من سمحلك تردي قالت وشفيها.... هي بالله حلولي ياها ... علما باني جرب الهجر بالفراش ومافي فايدة.... وصارت تققل من احترامي يعني معد في احترام بخصوصيات الاخر انهيها من الاخر وخلاص انفك من هذا المملل والنكد اللي كل يوم نفس الموال ونفس العيشة وهاذي بدايتها ... ولا وش اسوي بالله حلولي ياها ما احب اكلم امها وما احب احد يدخل لكن مافي حل وش اسوي غير كذا اوديها بيت اهلها واخليها هناك اللين ما تعقل وتبطل هذا الشك اللي ما اقدر اغيره