.. الحياه مستمره
بسم الله الرحمن الرحيم
في البدايه السموحه منج اختي جمانه لاني مارديت في موضوع وحبيت ارد عليج في صفحه الاعضاء ..
أشكرج عزيزتي على سؤالج عسى الله يحفظج ان شالله واما بخصوص اخباري الحمدلله فضل من ربي صارت احسن من الاول وبعض اللي كنت اتمناه تحقق من اخبار اخواني خليفه وذياب ربي يحفظهم لي ..
بخصوص ابويه ربي يحفظه ... على حاله من مزرعته للعمره وزين انه قمت اجوفه في البيت ولو انه مايكثر من يلسته في البيت ..
ذياب ربي يخليه .. الحمدلله شل شمسه من راسه وهون عن العرس (شمسه واهلها لايقربونا ولانقربهم لهم حياتهم ولنا حياتنا )لاني ضغطت عليه عشان (مصلحته قبل مصلحتنا) ووصل الخبر لشمسه وانحطت جدام الامر الواقع وابوي صار طرف محايد
وذياب قال مايفكر في العرس ونصحته يعيش حياته ولا يربط عمره بمسؤوليه الزواج وغيره لاحق على العرس بعد مايكمل 25 جدامه جم سنه والحين ذياب يدرس الله يوفقه واي اجازه تطلعه يسافر مع ربعه ..
خليفه بين لندن بوظبي ..( خصصنا الاجازات الطويله لدراسه لغه والاجازات القصيره يتعرف على الاماكن ويتعود على جوهم في لندن)
بخصوص خليفه فديته ربي يحفظه .. الحمدلله فضل من ربي لقيت حل لمشكلته مع خواتي
خليفه قرر مستقبله يدرس في لندن بعد مااقنعناه اقتنع بس جدامه سنتين على بال مايتخرج من الثانويه ان شالله
اللي صار عزيزتي بخصوص سكن خليفه مبدأياً
انه اختي تواصلت مع عايله هنديه الاصل مسلمين بس جوازاتهم بريطانيه ثقافتهم اجنبيه عيالهم مايتكلمون الا بالانجليزي وعندهم ولد قريب من عمر خليفه عشان خليفه يستغل هالسنتين قبل تخرجه ويقوي اللغه الانجليزيه عنده ويتعود على جوهم ويتعرف على الاماكن ومنها يتعرف على الجامعه اللي يبا يدرس فيها
ويكون صداقات وغيره
سافر خليفه فديته في اجازه نص السنه مده اسبوعين مع انه كان متردد وخايف انه مابيقدر يعتمد على نفسه بس( ذياب واختي سافروا معاه) يوصلونه ويعرفونه على العايله والوضع ورجعوا عنه وبالفعل كان يكلمنا كل شوي .. والحين اي اجازة تطلع لخليفه حتى لو اسبوع يقولي بسافر لندن
في اجازة عيد الاتحاد خليفه خذ اسبوع اجازة سافر بروحه الحمدلله
نحن شركناه في معهد لغه في لندن يعني ان شالله في اجازة اخر السنه مده ثلاث شهور على الاقل يدرس فيها لغه
خليفه يكلمني وايد عن لندن وعن العيشه فيها وقالي تعالي مع ابويه ابا ارويكم اماكن حلوة زرتها وعلى الناس اللي تعرفت عليهم طبعن جفت الوناسه في عينه وادعي الله يتمم عليه دوم ولااجوف عينه الحزن ..
موقف ابويه من سفر خليفه ..
يلسنا انا وابويه واختي وريل اختي وخليفه وذياب
ابوي كان من المعارضين على سفر خليفه وقال خلوه جدام عينكم يمكن يحتاج شي يلقاكم جدام عينه بس بعد مااقنعناه عن مستقبل خليفه اقتنع ظاهرياً مع الوقت ان شالله بيقتنع ..
ابويه سال خليفه جدامنا .. شو تقول يا خليفه هذا مستقبلك وانا مابا اوقف في طريجك .. خليفه كان متردد في جوابه بين رغبه ابويه ورغبته ورغبتنا كلنا .. بس رد على ابويه قال ابا اسافر
ابويه عاد قال لاخوي ذياب جدامنا
ذياب سافر من باجر ودور شقه مناسبه لخليفه في مكان بين العرب وادفع اجار ست شهور جدام .. مابا الولد يحتاج لشي هناك او ينقصه شي
خليفه استانس وايد
بس طبعن نحن فهمنا ابويه انه خليفه مايحتاج لشقه مبدأيا وانه بيسكن عند عايله وهذا نظام كل العوايل اللي اطرش عيالها للندن وذكرناله فلان بن فلان وفلان بن فلان وعن عياله بس يوم يتخرج ان شالله من الثانويه بندور شقه وبنوقع العقد لمده سنه جدام مع التجديد .. وقتها ان شالله خليفه بيكون متعود على الجو ومرتب اموره
والسموحه عزيزتي طولت عليج وهذي اخر اخباري اللي تسركم وربي يوفق الجميع
التعديل الأخير تم بواسطة بنت بوظبيxAD ; 23-05-2013 الساعة 02:53 PM