رد : { مميز } ايش عاميلن على الغدا....... الغدا على مين اليوم@-@
اقتباس:
المشاركة الأصلية كتبت بواسطة الصائمة لله
ماشاء الله تبارك الله ..
عليك بالعافية ومن تحبين ياغاليتي أم سلطان ..
شكل الكبسة لذيذة ..والدجاج مش محمر بالفرن ؟ ؛ أشوف عليه بصل حطيه مع الحشو { خلطة البصل بالبهار } حنا نسميه كذا ..
الله يجزاك خير أكتبي لي طريقتها مشكورة .
ودمتم بحفظ الله وتوفيقه ..
|
الله يعافيك حبيبتي الصائمة لله وجزاك الله خير على دعواتك الطيبة ولك بالمثل يارب
بالنسبة لدجاج لا مو بالفرن هذا دجاج مقلي بالزيت ومافيه بصل بس البهارات اللي عليه تشوفينه وكأنه عليه بصل والطريقة هي تجيبين حبتين دجاج حجم800جرام انا افضل الأحجام الصغيرة بالطبخ وبالذات القلي وتقطعينها مثل التقطيع اللي تشوفينه وصدر الدجاج تقطعينه بالعرض يعني طبقتين متساوية علشان ينضج بالطبخ لأنه الصدر هو الجزء السميك في الدجاج لذلك لازم نقسمه قسمين وبعدها تغسلين الدجاج وتنظفينه زين وفيه بهارات عند المحامص إسمها بهارات الطائف رهيبة دائما في طبخي ما استخدم إلا هي مشكلة من كل نوع تجيبينها وتحطين منها اربع او خمس ملاعق في صحن وتضيفين لها الملح وتخلطينها وتبهرين فيها الدجاج وبعدين تبدئين بالقلي وانا استخدم زيت العربي للقلي وعافية لطبخ وعليك بالصحة والعافية يارب والرز اطبخه في قدر عادي واضيف له الجزر والقرفة والبهارات والصلصة ومثل ماتشوفينه الله يسلمك
وأي سؤال طال عمرك حنى بالخدمة تامرين أمر.
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله