.. شورك وهدايه الله::: الاخ رجل الرجال
السلام ورحمه الله وبركاته
اخويه رجل رجل ..أشحالك ؟؟ عساك بخير أن شالله .. ؟؟؟
اخويه أبا أعرف وجهة نظرك في موضوع أنا ماأشتكي منه لكن وايد مزعجني خوف ان هالتصرف موب من مصلحه اخواني
قال الرسول صلى الله عليه وسلم
(( كنت نهيتكم عن زيارة القبور ألا فزوروها فإنها تذكر ألاخره )) رواه مسلم
وفي حديث آخر ..
زار النبي صلى الله عليه وسلم قبر أمه فبكى وأبكى من حوله ؛ وقال : (( أستأذنت ربي بأن أستغفر لها فلم يأذن لي , وأستأذنته في أن أزور قبرها فأذن لي فزوروا القبور فأنها تذكر الموت )) ** أخرجه مسلم
أخويه رجل الرجال . أنا خلال زياره لقبر أمي واخوي رحمه الله عليهم تفجأت من حارس المقبره يوم سالته عن ذياب وخواتي اذا كانوا يزورونهم اول لا
جان يقولي أنه ذياب من زمان مازارهم وحتى خواتي جي وانه الوالد يحفظه ربي متواصل بالزياره ولاقطع
من ناحيه أبويه مطمنه وارتحت يوم قالي ماقطع بس ذياب يقطع هالشي وايد ضايجني
اللي يهمني في الموضوع ذياب وخليفه
اخويه خليفه ربي يحفظه صارله مده طويله من رجع من السفر وانا اقوله خلنا بنسير انسلم
يتحججلي بأي شي ويتعذر ساعات احس انه يهرب من المووضوع مره يقولي عندي امتحان ومرات يوم يكون موعد الزياره يقولي ربيعي يبانا ندرس لازم اروحله الحين .. اقوله خليفه اوكي خلني بنزلك انا يقولي لا هو بدز دريولهم الحين ..
اقوله خليفه انا بطريجي للمقبره بنزلك بالدرب يرد ويقولي خلاص الحين الدريول في الدرب موب حلوة يرد جي
انزين انا أذكره بكلام الرسول صلى الله عليه وسلم
ما روي عن عائشة رضي الله عنها قالت قال رسول الله صلى الله عليه وسلم: "ما من رجل يزور قبر أخيه ويجلس عنده إلا استأنس وردَّ عليه حتى يقوم, ))
أقوله خليفه بابا الا ساعه وبنرد ومنها بتفرح امك واخوك بجوفتك .. يقولي الميت ياروضه مايتكلم
أقوله بس يسمعك على الأقل ..
يعني هالتغيرات في اخواني بالنسبه لك أنت ياأخوي تصرفهم هذا شو يدل؟؟
هل أنهم بدوا ينسون امهم واخوهم ؟؟ وخليفه مااقدر اقوله لا بس في امور موب من مصلحته انه اوافقه الراي؟؟
ويوم قعدت معاه أقوله خليفه باابا تي حبيبي قولي شو في خاطرك وليش ماتبا اجوف امك واخوك
يقولي
روضه يوم اقول مشغول والله مشغول
قلتله براحتك سوي اللي تباه بس تأكد بديت تزعلني منك ..
و اذا عذرته الحين باجر لو كبر ان شالله مابا أقدر اتحكم فيه واجبره يسمع كلامي ..
وانا اسوي هالشي لمصلحتهم ..
بالنسبه لذياب واجهتة وقالي انتي تصدقين الحارس الحين هذا مايفهم وتلقينه ناسي ...
حتى مره فهمت خليفه يوم أقعد معاه واقوله قول اللي بخاطرك حبيبي ولاتخلي شي فيه
أقوله تراني أمك .. تخيل شو يرد علي ؟؟
يقولي روضه انتي اختي وحبيبتي وامي هي أمي ..
صدمني يعني للحين أنا ماوصلت لمرتبه الام مع كل خوفي وحبي له ماقدرت اتمكن اني أكون ام
شور عليا يااخوي .. وعساه في ميزان حسناتك ان شالله
واللي تقوله راح امشي عليه نصحتي قبل وفادني من جي رجعت اطلب شورك وهدايه الله ..
التعديل الأخير تم بواسطة مارد الجنوب ; 27-05-2013 الساعة 10:08 AM
السبب: تم تعديل العنوان ليتناسب مع ضوابط القسم