شكرا على مثل هذه المتنفس .. نحتاج فعلا الى اخراج مايقبع بدواخلنا ..


انا ودي اكتب واقول للي كان المفروض يكون اخر محطاتي .. الانسان اللي انتظرته سنين وعلقت كل احلامي وامنياتي عليه .. وتوقعت على صدقي ونيتي يبادلني ربع احاسيسي والقى فيه السند والامل ياخذ بيدي واخيرا احس بين يدينه بالامان ويحمل معي مسئوليتي .. لاني تعبت ارسم واصيغ امور حياتي وقراراتي وتعبت احافظ على نفسي واجاهدها سنين واصونها ولله الحمد .
تربيه اهلي كانت انه يعطوني مساحه من الحريه شريطه اني اعرف حدودي وهالشى متعب لانه يخليني في موقع اكون فيه حريصه على اتخاذ كل قراراتي بنفسي وتحمل مسئوليتها وبنفس الوقت اكون اهل لهالثقه .

تمنيتك تكون الحضن الاخير اللي ارمي فيه اشوي من هالحمل واكون من بعد كل هالقوة .. ضعيفه قدام حنيتك وحبك تمنيتك تحمل معي مسئوليه نفسي وبس تحتويني ..

لكن للاسف يا زوجي العزيز كنت اعتقد اني قبلك قاسيت وانجرحت ماظنيت انك اكبر جروحي

عشت قبلك سنين مكسوره لاني بنت مهما اظهرت القوة يظل داخلها ضعيف لحاجتها للحب والحنان ريشه يحركها الهوى
ومعك مكسوره طول العمر بسبب خياناتك وقسوة اسلوبك .

آه بس ..

صعب علي اطلب الطلاق لان مااعتقد بعد اقدر اعيش مع غيرك ولا اتخيل اكون حليله غيرك
وصعب اقاسي امرين بين احساسي اني مغفله تضحك عليها مع اللي تكلمهم وبين احساسي بالخوف من انك صادق بتوبتك واني ظالمتك .. وبين احساسي بالحب تجاهك وبين ردات فعلك القاسيه وبردوك غالبا تجاه مشاعري

احترت في اساليبك واظنك تعيش معي الواقع وصوره تكمل واجهه المجتمع وتعيش معها الحب باحلامك واصعب شى يا زوجي الحبيب اني اشوفك تعبر عن مشاعر حاره وغزيره تجاه غيري وكلما رفعت عيني اشوف عينك تذكرت كلمات قاسيه علي قلتها لغيري ومااقدر احس الا انك جرحتني في اعمق اعماقي ..

معك تغيرت كل خططي وموازين حياتي وحتى الامل ماحملت منه الا اسمي لاني اصفق لك بحراره قتلته بخيانتك وذبحته وخنقته بلا رجعه ..

ودي اقول لك اني اتالم في داخلي وتعز علي نفسي تقابل حبي بخيانه كرهت نفسي ولا قدرت اكرهك ليه نفسي ماقدرت تكرهك وتتركك كان اريح لي .

محتاره هل اطلب الطلاق واتركك واعيش بعدك طول عمري بدون زوج وطفل واترك نفسي فريسه للوحده وتعليقات واسئله مجتمع قاسي واتهامات لان مستحيل تنولد الثقه مره ثانيه تجاه اي انسان ..

والا اعيش معك اقاسي مر والم يعتصر كل مافيني يزيد دقات قلبي ويصيبني بمغص والم بمعدتي كل ماتذكرت ونفس يخنق صدري .. واحساس بالالم يرافقني ويمنعني من الاحساس بالفرح تجاه اي شى ..

ياريتني اتغير واكون اقوى وانصرف عن حبك بحب من هو اقوى واكبر مني ومنك لانه ارحم بي من نفسي كنت اكيد برتاح ومااطلب منه غير يهديني لسواء السبيل ويزيح من قلبي حبك ويبدله بحبه الخالص ..