رد : فتاة تحدثني عن أخيها وتريد خطبتي
السلام والرحمه
من يسلك مسلك العرب مايضيع ..
ابتعدي عن القيل والقال مساله تعطينها تفاصيلج وتفاصيل اهلج هني الغلط بعينه وموضوع انج 24 وماتزوجتي اظني انتي عايشه في بيت اهلج وموب طايحه في ذمة ناس مايعرفونج وعلى حسب قولج تحضرين ماجستير اهتمي بدراستج لين مايوصلج نصيبج رب العالمين ان قال كن فيكون ..
لاتستهينين بعمرج وتفتحين للشر باب لج وانتي اخبر بمصايب النصت والفضايح اللي تطلع من وراها ويا ما دمرت بيوت وشوهت سمعة بنات حطي عقلج في راسج وقوليها كلمتين في حال انها تباج على سنه الله ورسوله
((هذا رقم اماه والموضوع عندها انا ماراح اتكلم بزود)) حطي البنت في الصورة وخلها تعرف انه البيوت لها حرمه يعني من دق الباب ياه الجواب .. ولاتطرين الموضوع لاهلج خير شر بعد هالخطوه
ولاتبينيلها انج ملهوفه على الزواج وطايره فيه ترى اللي شالج في صغرج موب عيزان انه يشلج في كبرج .. والرزق بيوصلج من عند الله
والله يسهل امورج والسموحه
التعديل الأخير تم بواسطة بنت بوظبيxAD ; 01-06-2013 الساعة 03:21 PM