رد : زوجتي وانا في دوّامة مشاكل
ولشدة حبي لها قبل الزواج لم افعل محرم
واين خوفك من الله يعني امتنعت عن الحرام لاجلها لاحول ولا قوة الا بالله
اسمعني زين اخوي محمد الجنس مايطلب بالقوة والغصب لو تركتها وخليتها على راحتها كان هي جتك ودورتك وخاصا انها مغصوبة عليك كان بامكانك تغير كل احساس بداخلها وتخليها تحبك وتتعلق فيك بالطيب وحسن المعاملة
او كان عندك حل اخر تتزوج عليها
الا الاشياء ذيك ماتجي بالعنق والقوة حذاري
حاول تجذبها بحكتك وثقلك ورزانتك الرجل العاقل الحكيم يجذب المراة وان كان شين الشيون
اهتم بنفسك وبمظرهك عندها ورائحتك لان حتى نحن معشر النساء نحب رجالنا لما يكشخون
خلي المسالة للظروف والوقت تاكد انها راح تحبك بس لازم تكون ذكي وصبور صدقني راح تجيك هي وتدورك
لا تضغطها اعطيها مساحة كافية من التفكير خليها بحريتها
طلعها اعزمها واكرمها ولا تطلب منها مقابل جرب وشوف يمكن تحس بنوع من الامان معك
انا باول زواجي ماكنت احب زوجي ولا احب يلمسني لكن خلاني براحتي وخاصا اول ايام الزواج وكان يطلعني ولا يطلب مني شي لين جيته من نفسي وحيت ان هالشى حرام علي وركعت لله وطلبت ان الله يالف بين قلبي وقلبه
والحين بعد هالسنوات من الزواج اصبح كل حياتي وغالي علي ومقدر على بعده ولا افرط فيه عسى ربي يخليه لي ولايحرمنا من بعض
المشاكل تجي وتروح لكن الحب والقبول موجود
اخوي محمد لا يلعب عليك الشيطان وتزوغ عينك للحرام لمجرد شي مؤقت ومن يتقي الله يجعل له مخرجا وويرزقه من حيث لا يحتسب
تزوج عليها ولا تروح للحرام اياك ياخي ترى هالطريق اخره مظلم ولا تمنع نفسك من الخيانة لاجل احد انت تحبه
خلي حبك لله وخوفك منه سر وعلانية وتاكد ان الله قادر على كل شيء وقادر انه يسخرها لك في لمحة البصر
اتركها في شئنها اعطيها مساحة كبيرة تقدر تراجع نفسها
تقدر تطلع معها لمكان هادي بس لا تجيب طاري الجماع عشان لا تعقدها اكثر خليها تحس انك تبيها لشخصها مو عشان شي ثاني
وترى الي تمر فيه زوجتك شى عادي وخاصا لو كانت مغصوبة لو مافي قبول قبل الزواج بس العشرة والايام قادرة تغير كل شيء
وقلوبنا بيد الرحمان يقلبها كيف يشاء
خليك صبور حليم كريم فالمراة تجذبها هالصفات بالرجل
الله يصلح حالكم ويسخركم لبعض
__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...