زوجتي لها علاقات هاتفية
السلام عليكم ورحمه الله وبركاته
اخواني اقسم بالله العظيم كل ما ساوقله صحيح ودخلت يمكم ومحد يعرفني واريد حل واتمنه محد يتهمني باي اتهام من اي ناحيه
انا متزوج من 8 سنوات و عندي الحمد لله تعالى ولدين صار عندي مشكله بالمدينه اللي اعيش بيها اضطريت ان اسافر غير مدينه سكنت اني وزوجتي وابني الصغير ابني الكبير بقه ابيت جده الحمد لله تعالى جانت اموري الماديه فوك الممتازه بعد منتقلت تركت وضيفتي واموري الماديه نزلت شويه صح ممحتاج الحمد لله احسن سكن واحسن عيشه عايش وممخليهم محتاجين شي باي طريقه احاول اوفر الهم عيشه زينه للعلم زوجتي ابنه خالي مو غريبه عني حياتنه ماشيه حلوه الحمد لله زوجتي تعرف اعرف بنت صديقه الي واحجي وياها كدام زوجتي ودائما زوجتي ادز الها هدايا وصديقتي بالمثل تقابلها صح احس زوجتي تغار منها بس اني لاسباب خاصه ما اكدر اتركها يربطني بيها عمل وتقريبا عيشتنه من هالعمل والحمد لله تعالى ماكو شي يغضب الله بيني وبينها قبل فتره قصيره ردت اتحول من بيتي ياللي جنت عايش بي الى بيت ثاني بالصدفه جنت بغرفتي شفت بيد زوجتي موبايل كتلها شنو هذه كالت عاطل وهالحجي شغلت الموبايل والله العظيم اكت وارجف لكيت مسجات بين زوجتي وبين شباب ومن كلام المسجات عرفت انهم من غير مدن ماخذه ارقامهم تبين الي تاخذهم من قنوات التلفزيون ياللي اطلع ارقام للعلم بس اني اعشقها مو بس احبها واحب ابني الصغير كولش هوايه لما سالتها جاوبت ابرود اعصاب كتلتلها وكسرت ايديها وطلكتها طبعا لحو اهلي واهلها انو يعرفون سبب الطلاق كتلهم ماخذه ارقام بنات بتلفوني ودازتلهم مسجات تحجي عليه وتهددهن لانو الله ستار ويحب الستر هسه اني تعبان منا اني احبها ومنا كرامتي متسمحلي ابقيها ومنا كاسر ضهري ابني من واجهتها ماعدها اي كلام مقنع صح اكو امور اني مقصر بيها اتجاهه يعني مرات تطلب فلوس اكولها شتريدين اني اجيب الج وطلعات مطلعات ما اطلع وياها اقسم بالله مو تقصير بس طبعي اخجل امشي ويه مره صح الاكثريه حيكولون تخلف بس اني مو متخلف اني عندي شهاده ماجستير قانون وشهاده كوليه عسكريه افكر اسامحها ما اكدر ولا هين علي اترك ابني اباع عليها مثل الطفل وهيه اقسم بالله تاج وشرف جانت الناس كولها تحترمها بشكل مينوصف ليش سوت هيج ما اعرف وللعلم واحد من ياللي جانت تراسلهم اقرب الناس الي الحمد لله ميعرفها زوجتي وله بوقتها جان انجبرت اقتلها وطبعا مناطيه معلوماتها صحيح مغيره اسمها وقسم كايله الهم مزوجه وقسم لا اخواني المشكله انو مدا احسها متندمه طلبت مني طلب واحد انو ابني يبقى يمها واني كتلها اي شكوه اي طلب للاطفال افضحج كلولي شسوي كتلني التفكير والهم والله العظيم ليل ما انامه واريد اعرف اني ضالمها او لاء وهيه ليش اصرفت هيج واريد اسوي شي ارضي بي الله تعالى ومن بعده ضميري وبنفس الوقت رجعه ما اكدر ارجعها شسوي فهموني يرحم ربي اهلكم ويحفظ ربي عوائلكم تعبت وتعبني التفكير
التعديل الأخير تم بواسطة مدن السلام ; 16-06-2013 الساعة 07:51 AM