هلا حبيبتي جمانة ..

سامحيني ما شفت موضوعك غير متأخر ، و كانت عندي مشكلة بالنت من أمس ..
و توها انحلت ..

.
.

و ابشري يالغالية ..

بس حابة أقول لك بالبداية ، إنه كل أم ترى طفلها مميز ..
فأبداً ، ما أحاول أقيس ابني بمنظاري .. و لا منظار أبوه هنا معاك ..

و لا راح أحاول امتدحه .. و بأحاول أعطيه على ( قد حجمه ) ..
و بأقيس النتائج ، على حسب تعامله مع العالم الخارجي و مع الآخرين ..

.
.

مثال :

كنت في بيت قريبتي و عندها طفل عمره 3 سنوات ..
ولدي عمره 6 .. و ولد أختي 8 سنوات .. كانوا بيلعبوا سوا ..

جاني ولدي مقهور و معصب و ماسك أعصابه ..
و يقول ( ماما .. شوفي الولد هذا دففففني )
يقصد ولد قريبتي الصغير دفه ..

قلت له ( معليه ، الولد صغيييير .. بعّد عنه و ما يفهم ) ..

تركني و رجع لهم ، و شايفته ماسك أعصابه و مجهز ( قبضته ) .. نفسه يضرب الولد و يدفه ..
و شفت ولد أختي اللي عمره 8 سنوات .. بيحرض ولدي .. و يقول له
( رووووح اضررررربه .. ياللا رووووح اضربه .. و اللي يضربك ، اضربه إنت كمان )
و بيستفز ولدي عشان يضرب الولد الصغير مثل ما ضربه ..

ولد أختي هذا الكل يوصفه إنه ( حقود ، و عصبي و ما يحترم لا كبير و لا صغير ، و يمد يده على أمه )

شفت ولدي واقف و يطالع بالصغير و نفسه يسترد كرامته ..
و نفس الوقت هذاك يحرضه .. اخر شي ( ولدي ترك الصغير ) و رجعوا يلعبوا كلهم من جديد ..

- عرفت وقتها ، إنه الحمد لله .. ولدي حنون و ما يستقوى عالصغار ..
( كنت أحرص من صغره ، إني أزرع الشي هذا فيه .. عشان أفكر لبكرة لما يكبر .. يكون حنون علي و على أبوه و أخوانه )

- إنه ما يتأثر بكلام غيره إن ما كان مقتنع به ..
و الدليل ما سمع كلام ولد أختي و هو في ثورة غضبه ..
( ولدي عنيد ، و ما يعمل أي شي هو مو مقتنع فيه .. كثير ينتقدوه بالصفة هذه ..
لكن أمي كانت تمدح الصفة هذه فيه ، و تقول لي .. ولدك عاقل و لازم تقنعيه بالشي عشان يعمله )

- إنه صاحب قرار ..
( فكر .. و قرر إنه خلاص ما يضرب الولد الصغير )

.
.

و نفس الوقت ،.
إذا واحد أكبر من ولدي أو في نفس عمره ، ضربه .. ولدي ما يسكت له ، و يدافع عن نفسه ..

,
,

على دا الأساس ، ممكن أوضح لك ..

هذا مجرد مثال ..

راجعة ..

لكن كم عمر ولدك ؟ و هو أكبر واحد ؟ أو الوحيد ؟