السلام عليكم

انا الحمدلله متزوجة من7اشهر .. مريت في ظروف صعبة قبل زواجي وبااول الزواج بسبب ظروف زوجي المادية .. انا موظفة وساعدته باشياء كثير وهذا واجبي وما امن فيه.. استأجر في اول زواجنا في المدينة اللي ساكنة فيها وفيها عملي على امل انه ينقل بنفس المدينة بس للاسف مانقل .. وبعد انتهاء فترة الاجار الست اشهر اضطر يستاجر بنفس المدينة اللي يعمل فيها طبعا انا اللي اعطيته هالرأي بسبب صعوبة روحاته وسفراته بين عمله وبين المدينة اللي انا ساكنة فيها لان المسافة بينهم الف كيلو.. اخوي سكن عندنا لان عمله بنفس المدينة اللي سكناها..في البداية كان زوجي متقبل الموضوع بس في الاونة الاخيرة بدأ يتذمر من شغلات بسيطة تصير من اخوي..

زوجي طيب مرة .. المشكلة انه جدا بارد وماصار يهتم فيني ويعاملني كزوجة ..
انا عن نفسي رومنسية مرة وحساسة.. وهو دايم يطلب مني اني اوسع صدري وما ازعل بسرعة .. بس انا ما ازعل الا لاني احبه..
وفي شغلة ثانية لانه انسان محدود ماديا وثلاث ارباع راتبه يروح اقساط فما يهتم في نفسه ولا يلبس ويكشخ زي باقي الشباب..وحاولت اشتري له والبسه بس رافض يقول اذا صرت مقتدر ماديا راح البس واكشخ .. طيب مو من حقي يلبس لي زوجي ويكشخ لي زي ما البس له .. وقلت له هالشيء قلت له اذا ما متعت عيني فيك امتعها في مين؟؟؟؟


كنا مسافرين اسبوع عند اهله ورجعنا بيتنا من اسبوع وباول جيتنا طلب مني زوجي طلب وقال ابي منك توسعي صدرك وماتزعلي وتخلينا نعيش حياتنا .. بس بعدها بكم يوم صارت منه شغلة عشان اخوي وزعلتني منه..حسسني انه مايبي اخوي معنا في البيت ..ومن بعدها ماصار يكلمني ولا اكلمه الارسمي .. وهو مافكر يوضح لي او يراضيني .. زوجي بالنادر يراضيني .. دايم ارضى من نفسي...


في شغلة اخيره زوجي يهتم في اخوانه واولاد عمه ويوجههم ودايم ناسي نفسه .. يحب لهم الخير وناسيه لنفسه .. انا ما اتضايق من انه يحب لهم الخير اتضايف لانه ناسي نفسه وما يفكر يطور من حاله ابد...


ابي منك تقولو لي كيف اتعامل معه خاصة انه صار بيننا كم يوم زعل واحس اني خلاص تعبت من اسلوبه وعدم اهتمامه وبروده هذا برغم كل وقفاتي اللي معه .. احسه خلاص ماعاد يحبني مثل قبل

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..