السلام عليكم ورحمه الله وبركاته. كيفكم أعضاء المنتدى وزواره بصراحه احب هذا المنتدى كثير وتردد قبل ما اكتب مشكلتي كثير بس ضاقت بي الدنيا واختنقت ورحمه الله فوق كل شئ مشكلتي أهل زوجي وأم زوجي بتحديد زوجي ماشاء الله بار بأهله ويحبهم ويقوم بجميع طلباتهم ومايقصر معاهم لان أبوه الله يطول بعمره مايسوق السيارة وهم عجايز المشكلة امه مسويه ليه مشاكل يعني ما اقدر اخرج من البيت إلا لازم تعرف وتقعد تتصل ليه تاخرتوا ليه كل هاالدلع ارجعوا وزوجي يرجعني إذا رحت عند أهلي تقعد تهاوش وتقول ليه تر حين وتخلين زوجك أنا ما أبيت كثير بس كل 7 شهور مره يعني أكثر من اربع أيام ما اجلس إذا احد جاني لازم تنزل ولازم تتريق وتقول انتم مدلعات وتنتقد سفرتنا وملابس الناس إذا كانت بنطلونات أو قصيره وعيال عيالها يبلسون وتقول محد تعب إلا أنا وانتم جيل مطاعم ومخاسير وتكره الواحد قعدته وإذا كان عندها احد في بيتها ضيوف وأنا عندي تجيبه بيتي علشان لا يفوتها شئ ما عليها مني ساعات زوجي يكون قاعد معانا محارمه تطلعه علشان عندها ضيوف وتبي تجي وتجيبهم معها ويخرج وأنا بطق وما اقدر اتمشي إلا وهي معنا وتقعد تقول ليه كل هالزحمه وماتطول شوي تقول رجعنا أبوك في البيت أنا ما اقدر أبي ارجع ساعه ممكن ويعصب منها لا تلف من هنا وليه تخرج في الزحمه ويحط حره فيني ويهجرني ويقول أنا مستحيل أمي علشانك وانتي مو راضيه تقولي هيا طيب أنا ماخرجت علشان ارجع في نفس الوقت وعيالك يبون يلعبون ويصير مشاكل بيني وبين زوجي وحرمت الطلعات قلت ماابي وصار والبنات مايجون بيتي منها يقولوا لاتناديها أقول تجي من حالها قالوا تعالي انتي حياك نحنا مانرتاح تقعد تتريق وماناخذ راحتنا في السوالف وفوق كل إذا خرجت أنا وزوجي فاجاه تجي مشاوير ضرورية مستشفى أو جزمه تتقطع أو أي شئ مؤ مخطط له بعد العشرة بالليل تتصل ثاني يوم وتسأل وين رحتي وجيتي ومعك كذا وكذا لا سفرات لاتماشي لا يقعد في البيت من طلباتهم وإذا ما عندهم شئ تتصل وين ولدي ويش يسوي ليه مايجي ليه مايشوفني لازم تخرجه طبعا زوجي يروح لهم كل يوم بس هذا الاتصال بعد الروحه إذا ماخرج من البيت أما إذا خرج لوحده ما تدق عليه ولا تقول ليه تأخرت أما اذا انا معاه ياويله من غير الاتصال والهوشه اذا جينا لي وله هي لحالها في شقه وأنا لحالي فترت حياتي مع زوجي وصار بارد وكأني أخته يجيني منتهي شايل بيتين إلى متى ودي أروح لهلي استجم وارجع بس كم مره سويتها مجرد مسكن ارجع للي انا فيه واللي يزيد الطين بله اذا ماعند زوجي شئ نام من العمل للعمل الصباح يقوم ويروح ماكني في البيت
اللي عنده نصيحه أو تعليق أو نقد أو دعوه أو أي شئ لا يبخل علي تراني شوي وبستخف