المشاركة الأصلية كتبت بواسطة a7laaa7sas

ترددت كثير في اني ارجع ارد على هالموضوع لاني مصدومه كيف تجرات وكتبته

لكن لما فيه مصلحه لي وللجميع راح اكمل مثل مابديت لعلي اجد فائده ولعل غيري يستفيد

قصتي وحزني وضعفي وانهزامي لايبرر خطأي لكن هي ظروف تجمعت على بعض وانتجت تجربه فاشله وماضي اسود اكره اني عشته

الفايده اللي اتمنى تستفيدو منها للرجال اقوله لاتحد زوجتك اختك قريبتك ع الحرام اهمالك لها راح يقودها لطريق سئ
للبنات اقولكم الظروف اللي مريت فيها كانت صعبه حاولت احلها من وجهة نظري واني اغطي الفراغ اللي عندي بالعلاقات المحرمه ولانفع معاي اقولكم تجربتي انا ماانفضحت ولاخفت الا من ربي لكن النتيجه وحده علاقه ماخدمتني غير زادتني تعب

اللي ظروفها صعبه ماده غربه عاطفه اي شي اقولها مهما تعمقتي في الحرام ماله لذه لاتجربي بنفسك انا جربت وخسرت ضعف اللي جنيته ولو اني من الاساس ماجنيت شي

نجي للاسئله

اخوي ابو مريم علاقتي فيه كانت قويه مع ان المده كانت قصيره جدا ست شهور فقط وكان اقرب من زوجي لي من ناحية الاهتمام طبعاا العلاقه كانت مكالمات رسايل صور شفته مرتين من بعيد بعدها صار يظغط علي انه يشوفني وانا كان من داخلي نفسي اقرب منه اكثر بس كان مانعني خوفي من ربي وخوفي اني اكون معاه علاقه عاطفيه او بالاصح جنسيه

طبعا رفضت وكل ماحطيت موعد اكنسل كنت متردده بشكل عجيب مع ان الظروف كلها معاي بس كنت مابي اتمادى في حاجه انا مقتنعه انها غلط تحت الضعف والقلق اللي انا فيه قابلته لمده ماتجاوزت نص ساعه وفي بيتي انا والسبب كنت ابي اكون انا اللي اصيطر على المقابله قلت في بيتي عشان مايطول ولايصلح شي ماابيه

طبعا اللقاء كان سريع واقسم بالله ماصار علاقه كامله كان كله احضان وقبل وبس مانمت معاه ولايمكن اسويها بس اللي صار كرهني بنفسي بعد ماطلع حسيت بالمصيبه مااستوعبت شي الا لما راح جلست اعيد الموقف مرتين وثلاثه تمنيت الموت ولاان فيه رجال شافني كذا

انا اعتبر نفسي زنيت وخنت ربي لان فيه حديث ان المراه اللي تتعطر بس ويشمو الرجال ريحها زانيه فما بالك انا شافني واحتضني ايش بكون غير كذا

والله ماادري كيف صلحت كذا بس الشكوى لله وحسبي الله على كل من تسبب علي ووصلني للمرحله ذي

المهم انا تركته ارسلت له اني فعلا ماعاد اقدر اكمل معاك وبالذات عقب مازرتني واني ندمانه وقبل موقفي وتركني

ابي اللي بعد كذا انا ماراح ارجع للطريق ذا بإذن الله بس ابي اتجاوز هالمرحله بسلام وابي حلول لوضعي

حالتي مع زوجي سيئه للغايه والطلاق مستبعد لااحد يعطيني الطلاق ك حل

جزاكم الله خير

انتظر تجاوبكم معاي ولكم مني خالص الود والاحترام