رد : مشكلتي متعبتني اريد حل
اقتباس:
المشاركة الأصلية كتبت بواسطة مصونات
دوندرمة وشلونك واش اخبارك اشتقت لك انتي والاخ رؤؤف وشلونكم ايش مسووين بالدنيا عندي سالفة ابغى استشيركم فيها هي انة خطبني واحد مواصفاتة هي انة عمرة 45سنة مطوع عندة 6اولاد وخايفة ومحتارة جدا من انة عندة اولاد تصير مشاكل بينهم ولا ارتاح معهم بعدين تتعب نفسيتي واقعد اكلها بالحياة اذا دخلتة من ناحية الزواج منة ابغى رايكم انتظركم ردو علي بكل نقطة اقولها لو سمحتو ...................ودائما يجين احساس انة ماحد يبغاني ولا يريدونن اخاف انصدم بالحياة واللة من بعد تجربتي وابغى بعد استشير خواتي واخواني برايكم لو سمحتو ..............انا مطلقة عمري 33سنة ليس لدي ابناء .............
|
اهلا بحبيبة قلبي واختي الغالية مصونات
ما شاء الله تبارك الرحمن
حبيبتي هذا ثالث عريس يتقدم لك ما شاء الله
من يوم كتبتي الموضع هذا
وتقولي محد يبغاك ليش حابسه حالك بهذة الكلمة
انسيها يا ماما انسيها ولا حتى تخليها تخطر في بالك
محد يبغاك ليش شنو ناقصك شنو في زود عند باقي البنات عنك
ما شاء الله
حبيبتي انا ما اقدر اقولك اقبلي او اتركي
هذا الموضوع يخصك وما اقدر اتدخل فيه له عدة عوامل منها
مدى قبولك للزواج بشخص مطوع هل انتي راضيه لهذة الفكرة اولا
ثانيا عنده عيال مو مشكلة لكن عياله كم اعمارهم وين هم يبي يخليك تربيهم ولا عند امهم
هذة نقطة مهمة ولازم تفكري فيها تمام
وليش تفكري بالمشاكل
المشاكل تصير بكل مكان عادي لكن لا تخلينها تسيطر عليك
بالكلمة الحلوة والطيبة تسيطري على كل القلوب
بالاهتمام والحب والحنية تخليهم يحبوك مثل امهم
ان تم النصيب --- الحمدلله لنا جلسة مطولة ننصح فيها
وان لم يتم -شر والله صرفه عنك
والي جابه لك يجيب الي احسن منه ان شاء الله
ما عليك غير تخلي ايمانك بالله
والزواج ماهو نهاية العالم
لي عودة اخرى ان شاء الله
المهم انتي لا تطولي الغياب حبيبتي وتشغليني عليك
وطمنينا باخبارك
ربي يحميكي ويكيتب لك الخير غاليتي
__________________
سبحان الله و بحمده
عدد خلقه و رضى نفسه
و زنه عرشه و مداد كلماته
~♥¤♥¤♥¤♥~