رد : ابنة خالي ساعدوني
السلام والرحمه
الباب اللي يجيك منه الريح سده واستريح
الحل بايدج موضوع انج عرفيتها وكشفتيها على حقيقتها امر مايتوجب عليج انج تخفينه عن والدتج وخواتج خبري أمج يحفظها الله انه السالفه جي وجي وجي على اساس انه باجر اذا انخطبتي ماترمس امج عند اختها وعند بنات خواتها لمصلحتج انتي
والشي اللي لازم تسوينها الحين اقطعي رقمج شو ماكانت اهميته عندج او اتركيه في ايد الوالده وطلعي رقم غيره واذا عرفت رقمج اليديد طنشيها كثر ماتقدرين شهر شهرين عشر طنشي
واذا يت بيتج على اسا تعاتبج
قوليلها وواجهيها
ووقفيها عند حدها وانتي بالطريقه المناسبه وبعيد عن العصبيه اللي تليق بها
يعني كاش بالويه
((فلانه الزمي حدودج هني وستوووب اكثر من جي ماراح اسمحلج تدخلين في حياتي وانصحج تراجعين طبيبه نفسيه ماراح اسمعج اكثر مما سمعتج ))
صدق اللي قال اقربلك عقربلك
العفو بس الغلط منج من البدايه يعني يوم انتي تعرفينها انها ماتحب الا نفسها ولاتحب الخير لحد ليش ماابتعدتي وقتها عنها بس يوم تمادت وضيعت نصيبج مرتين تكلمتي على العموم كل ماضاع نصيبج كل ماتكلمت الناس عليج وبتقول باجر فلانه انخطبت مرتين وثلاث وعشر وموب معقوله الناس بتصدق انه العيب في اللي تقدموا لزوم يقولون العيب فيج اكيد مسويه سواد الويه انصحج لاتضعيين نصيبج اكثر من جذي وتقدرين توقفين بنت خالتج من هاللحظه والسموحه
التعديل الأخير تم بواسطة بنت بوظبيxAD ; 29-06-2013 الساعة 06:58 PM