رد : بوح الخواطر .. رجع لي بعد الغيبه ..
اقتباس:
المشاركة الأصلية كتبت بواسطة بنت بوظبيxAD
السلام والرحمه
اختيه مهره الله يسامحج والله جي ترمسين عن ابويه وتقولين عنه عنيد ها يزاة اب يدور راحه بنته ويبالها السعاده الله يسامحج بس مشكوره
الله يهدينا ويهديج يا روضة 
والله يسمع منج ويسامحني يا رب .. بس على شو فديتج؟! .. يعني الحين كلمة (عنيد) صارت إساءة؟!!!
أفهم من جذي انج كنتي قاصدة تسيئين لأم سالم يوم وصفتيها بأنها عنيدة؟!! .. إن كان هذا قصدج فالله يسامحج انتي بعد .. لأن مثل ما ابوج ـ الله يبارك في عمره ـ كان يدور راحة بنته وسعادتها .. فأم سالم بالتأكيد كانت تبا راحة ولدها وسعادته .... وكل واحد يقيّم الوضع من وجهة نظره.
بخصوص زواج تقليدي انا من نفسي ماباه اعيش عمريه كله عانس ارحملي يطلعلي واحد يقولي سوي جي ولاتسوين جي عاد باجر انخطبت ومااتفقت مع الريال وفصخنا الخطبه والله ياباجر يقولون الناس اكيد جايف عليها شي خبرج الناس ماتعين خير عشنا وجفنا تجارب حولنا دروس نتعلم منها وماقصرتي ع نصيحه |
سبحان الله!
ويوم يعرفون انج كنتي على علاقة مع سالم قبل الزواج ما بيرمسون؟!!
بعدين (سوي جي ولا تسوين جي) هذا حق من حقوق الزوج ما دام لا يخالف شرع الله .. وحتى سالم نفسه بيقول لج سوي جي ولا تسوين جي إن كان لج نصيب معاه.
أما إن كنتِ تعتقدين أن الحب سيجعل الزوج مطواعاً ويعطيكِ الحرية المطلقة .. فأنتِ مخطئة دون شك.
على كل حال أنا لا أحاول إقناعكِ بالزواج التقليدي .. أنا فقط كنت أناقش هذه النقطة وأفندها .. وكلامي في هذه الجزئية لم يكن لكِ وحدكِ بقدر ما كان موجّهاً لكل بنت.
موفقة.
__________________
اللهم طِيبَ الأثر .. وحُسْنَ الرحيل.