المشاركة الأصلية كتبت بواسطة النجاة النجاة

لاحول ولا قوة الا بالله أي حرية وأي انفتاح ..
بلا حرية بلا كلام فاضي .. يعني عشان قمت افضفض واقول نفسي في حبيب في لحظة ضعف مثل اللي قال للرسول صلى الله عليه وسلم (أئذن لي بالزنا) واقنعه ودعا له.. اتوقعت الاقي احد يساندني ويدلني على طريق الحق ويقولي لا تمشي في ظريق الظلام والفجور اتوقعت صفعة وكلام قاسي لكلامي .. واتوقعت انكم تعطوني امل كبير بالله وتحذروني من محادثة الرجال الأجانب خصوصا انك مجربة .. لكن شكلك ماهمك كل البنات يكون لهم حبيب في الحرام .. الله يهديكي.. يعني لو رحت اتأثرت كلامك واتخذت حبيب عندك استعداد تتحملي ذنبي وذنبك؟
تقولي ودي اهاجر ومدري ايش أنا الآن في الخارج وكارهة عيشتهم كره .. عايشين مثل البهايم كل طفل من رجال مختلف والمرأة هناك زي الرجل مافي فرق.. تشتغل زبالة .. وسواقة تاكسي..
صح انك محرومة من اسرة ومن الام والاب .. صح انك وحيدة بس كل هذا مايبرر ..
لا تفقدي الامل في الزواج ولا تظني انك حتتزوجي زيجة اي كلام على قولك .. ثقي بالله .. الله على كل شيء قدير .. الله كريم وما حرم إلا ليعطي .. الله أرحم بنا من امهاتنا..
صدقيني مافي راحة الا في طاعة الله .. والصبر عن معصية الله ..ما في لذة مثل لذة الانتصار على الم اشهوة والوحدة .. أعتقد ظروفي قريبة من ظروفك واحتياجاتي شبيه من احتياجاتك انا كنت احب صديقتي كأنها امي .. ما كان نيتي شذوذ ولا حرام .. بس لما زاد الشي عن حده قلت أكيد في شي غلط .. كنت ارسلها يومياتي مثل ما انتي ترسلي لحبيبك يومياتك .. وكانت تحن علي وطيبة معايا بس انا اللي اجري وراها اكثر شي .. بعدين عرفت ان هذه خطوات الشيطان وقطعت علاقتي فيها صح تعبت وبكيت وكل شي بس رضا ربنا فوق كل شي.. انا ما اضمن نفسي بعد ماصار حبي لها هوس وانا بنت زيها كيف انتي تضمني نفسك وهو رجل غريب عنك ؟؟ صح احتياجاتك الاساسية حب وحنان .. لكن تقولي ودك تتزوجينه .. يعني الا ما تكون لك رغبة فيه ولا ما تكوني انسان .. يعني كلامك له غلط في غلط ولازم تعترفي بهذا الشي .. لا تقولي حلال مو حلال ابدا ابدا