اخ ساري
هل قالت لك في يوم من الايام سواء بهذه المشكله وغيرها انها غير مرتاحه
ولي كلمه اتمنى ان تضعها في قلبك لاني اعرف طبيعه الطيبين امثالك تراك بيض الله وجهك ماقصرت ولا اجرمت ولا سويت شي يستاهل هذا كله ابدا ابدا وانا لو امسك ورقه وقلم واتببع اخطائ شخص ما حتى لو كان غايه بالمثاليه بلقى الاف العيوب ولو بدقق بكل كلمه ولا حركه واشيل بقلبي ماراح اخلص محد كامل واحنا مش ملائكه والزواج كل شخص يتغاضى ويمشي المركب مافي رجل مايقصر لو بشي بسيط او يطلب ومافي مره ماتطلب وتتدلع ولكن في حد
لما الرجل يهدد بالطلاق او يطلق لاي سبب تافه هذا من اشباه الرجال
ولما المراه تتزعل وتشيل اغراضها عند اهلها وتقعد شهور وتطلب طلاق هذي ماهي كفو بيت ولا زواج
الي ابيه منك لو حصل طلاق ابيك ماتلوم نفسك ولا تغوص بالغلط ولا تخلي هالسوالف " خليتها تنظف نزرت عليها تصكر عبايتها ماسالت عنها وغيرها من توافه الامور تخليك تلوم نفسك لو سويت كذا كان ممكن زوجتي عندي لا
هذي حياة يوم بتعصب يوم بتنزر يوم بتغلط يوم بتقول لا الا مايطلع منك شي انت بالنهايه انسان
الرسول صلى الله عليه وسلم لما حاول يرضي زوجاته وحرم على نفسه العسل
انزل الله بكتابه الكريم منع لتحريم ما احل الله وهالحادثه فيها حكم كثيره وعبر

رضا الناس غايه لا تدرك
الصحابي الي راح يشتكي زوجته عند عمر بن الخطاب ولقى صوت زوجه عمر رضي الله عنه عالي
وقال له عمر زوجتي تتعب في طعامي وغيره
المراد التجاوز عن الاخطاء والعثرات مهب كل واحد يمسك على الثاني على الحبه
تدري لو قالت زوجتك بصراحه انا تعبانه ابغى خدامه او غيره كان ارحم عندي من انها تقول طلقني ماعاد ابغاك انا تعبت من شغل البيت الطلاق يفترض حل لمشكله مالها حل
تعبانه من شغل البيت فيه حلول كثيره خادمه ساعات انت تساعدها مع انها مش موظفه يعني وش هالتعب الي بيكون عندها
المهم نصيحتي وانا اختك لا تحزن لا تحزن بيض الله وجهك وماقصرت والله يعوض عليك
لا تلوم نفسك ولا تزعل على محاولاتك خلاص هذا دليل انك سويت الي عليك
والي بيصير الحين هو نتائج استخاره ربي علشان كذا كن سعيد ان ربي اختار لك الخيره
ونصيحه لو تزوجت لا تسقط الي صار لك على زوجتك الثانيه مالها ذنب بنت الناس بعقد من تجربه سابقه لا تقدم على هلخطوة الا بعد ماتنظف عقللك من رواسب هالتجربه
تدري لما اقرى قصتك القاني اقول بنفسي الله يرزقني بشخص يدور رضاي مثل ماساري مدور رضى زوجته
الله يهديها انا ارحمها زوجتك لانها ماتدري وش الي بتواجهه بعدين