رد : بين أولادي وزوجي
يا حبيبتي يا أم بلال والله اقرا واضحك اقول
حتى الحلوين اللي في الأردن زي حالنا
عارفه والدي حريص كذا بس كنا نعرف نسايسه
وناخذ اللي نبغاه منه ومره ننجح ومرات نفشل
بس ماكان فيه واسطات بيننا وبينه وفهم علينا اكثر
وصار عارف جونا وفاهم نفسياتنا صار قريب قريب
مننا .... واحنا فهمنا عليه وايش يبغى بالضبط
فنعطيه اللي يبغى واذا زركن معانا قلناله تذكر فعلنا
عشانك وعملنا وتنقلب الجلسه أحيان شكاوي ودموع تماسيح
ونقوله خلاص ماعاد نوفي معاك انت وعدت وماوفيت
المهم كنا نسوي فيه مقالب وهو يرجع الطابق مطبوق
ويجلس يضحك انه زعلنا واخذ حقه
اكتشفنا انه بس يبغى يعرف احنا ايش نسوي لما
نغيب عنه.. مين أصحابنا ... لازم برنت كامل
ما يعرف يعيش الا واحنا حوله نشاركه كل شي
نسولف معاه نضحك معاه نركض في البيت ونلعب سوا
انت اعطي عيالك استراتيجيات التعامل معاه
وسيبيهم وريحي راسك وخليهم هم يخارجوا نفسهم
معاه ولازم زي ما ياخذوا يقدموا ولازم يرضوه مهما حصل
ويحطوا في بالهم انه اذا ضحك معاهم شوي وصاروا أصحاب
مو معناته راح ينسى مهمته الأساسيه كأب ..
راح يبقى يراقب ويقدم اختبارات واللي يسقط الله يساعده....