المشاركة الأصلية كتبت بواسطة اللقيا في الخلد

وعليكم السلام ورحمة الله وبركاته.
كل عام انتي وجميع الاعضاء بخير وتقبل الله منكم الصيام والقيام
بلغنا الله وإياكم ليلة القدر.

سبحان الله لي فترة منقطعة عن المنتدى ودخلت طاحت عيني على موضوعك
جلست اضحك قلت سبحان الله نفسي الشي يعني مو بس حنا.

مدري وش أقولك يعني لو عندنا حل كان ذكرته.
اذا زوجك سأل عن العيال لا تخبئ عليه قولي معهم جوالاتهم وأنت اتصل عليهم ودورهم وينهم فيه.
سوي نفسك انه حتى منزعجة من الوضع ؛عشان مايحسب انك راضية على طلعاتهم وتحرضينهم عليه.
بعض الآباء يغضب اذا الام مع العيال.
يعني قولي انا وش بيدي البس عبايتي واروح أدور على عليهم وبعدين خلاص هم كبار مايصير نراقبهم وليش
انت مو واثق من تربيتك ( هذه عبارة أمي حفظتها من كثر ماتقولها لابوي والى الان يحط اللوم عليها مدري وش بيدها تسويه)...
من واقع الحرص الزائد يضيع ؛لكن قلب الاب ما يقدر خاصة اذا كان حريص ويخاف ويحب عياله.

صح نزعل من بعض التصرفات ؛بس بعدين نفهم انها كلها حب وخوف علينا.
من المواقف المضحكة انه مرة جالسه ساكتة قال لي أبوي نفس ادخل صدرك واعرف وش تفكرين فيه.
قلت له الحمدلله انه مايعلم مافي القلوب الا علام الغيوب ولا كان رحنا فيها.
خلي عيالك مثلنا خلاص وش نسوي هذا أبونا ولازم نسمع له ونحتسب الأجر من رب العالمين.
لا أخفيك صراحة اغلب أمورنا مانخبر بها أبوي لانه عارفين انه مايوافق عليها لذالك اقضوا أموركم بالكتمان ههه.

معليش طولت بالرد ؛لكن حبيت أقولك هذا شي طبيعي ولازم نتقبل كل شي من آبائنا وأجرنا عند الله.