أختي فليكا ..

بالنسبة لوجهة نظري ، فأنا شايفة صحباتي الإثنين ( أردنيات ) و وحدة ( مصرية ) ..
متزوجات و مبسوطات ماشاء الله مع أزواجهم و طبايعهم متفقة مع بعض ..

لكن كلهم زواجهم كان تحت ( إطار شرعي ) + ( هو اللي أختارها ، و هي اختارته ) ..

.
.

ماشاء الله كلهم ، متحجبات و محافظات و أزواجهم كذلك ..
و كلهم بشهادات عالية ماشاء الله تبارك الله ..

وحدة منهم ، كانت تدرس بجامعة و زوجها بنفس الجامعة و التخصص ..
لما أعجبته ، مباشرة ( ذهب لبيت أهلها و طلبها للزواج ) ..

و كانت فترة الخطوبة هي فترة التعارف و تحت نظر الأهل و معرفتهم ..

الثانية ، زوجها كان يدرس بنفس التخصص و الجامعة ،، لكن تخرج قبلها و صار معيد ..
و هي كانت طالبة .. لاحظ التزامها و أدبها .. و برضو راح تقدم لها من بيت أهلها ..
و ماشاء الله عايشين و متوافقين و مبسوطين .. و هو دكتور و هي بتكمل دكتواة ..

.
.

أنا معاك ، و الصراحة ..

ضد فكرة إنه الأم تجي تزور أهلي ، عشان تشوفني و تتفحصني و أعجبها و لا ما أعجبها ؟؟؟
أشعر إنه اهانة للفتاة ..

( لكن إيش الحل برأيك ؟ )

.
.

التعارف قبل الزواج .. أنا ( ضد فكرته كذلك ) ..
و خاصة بمجتمعاتنا ..

.
.

الحل برأيي ..

إنه الوحدة لو تقدم لها شخص .. ممكن تحادثه أمام أهلها بأي وسيلة من وسائل الإتصال ..
قبل عقد القران ..

وحدة من زميلاتي ، تقدم لها شخص .. و قبلوا فيه ..
لكن أمها اللي اشترطت إنهم يكلموا بعض قبل عقد القران .. عشان تعرف تفكيره و شروطه ..
البنت مثقفة و عيلتها مثل ما يقولوا ( فريي ) ..

الشاب عنده أفكار عكس تفكيرها ، هو كويس و طيب و سمعته كويسة ..
لكن أفكارهم جدا متعاكسة .. و البنت رفضته و قالت جدا أفكارنا متعاكسة ، و هو كمان ما اتفق معاها ..

.
.