شكلي كنت اكتم اكتم اكتم و أمشي و اطنش ..
لحد ما أمس ، انفجرت فجأة .. و تضاربنا مضاربة كبيرة ..

اعتذر مني اليوم و باس يدي و راسي ..
لكن حاسة إنه قلبي مليان منه .. و نفسي بس أبكي و أكون بعيدة عنه ..

لو ماني حامل ، كنت أخدت أولادي و سافرت أسبوع عالأقل أي مكان و بعدت عنه ..
لكن وجهي بوجهه كل يوم ، و زمان كانت فيه أمي و كان ممكن أنام عندها مرات و أغيب شوي عنه ..

.
.

تخاصمنا مخاصمة كبيرة مرة ..
لدرجة أفكر اليوم إني أخد أولادي و احجز أروح لبيت أختي في المدينة التانية و اجلس عندها عشرة أيام أقل شي
و أبين لزوجي إني بأجلس عندها و ماني راجعة ..

.
.

حاسة إنه تجمع كل شي ..

ثقل الحمل و تعبه ، المسئوليات كلها ، أخلاقه اللي صايرة ضيقة و ما يتحمل شي و يتحجج بالضغط المرتفع ..!!؟

و أصلاً .. نفسيته السيئة بسبب بعده عن ربنا
( و رافض يعترف إنه سبب ضيقه الدائم هو اهماله للصلاة ثم لوالدينه و زوجته و أولاده و بيته و نفسسسسسسه )

صح أتضايق من طباع حماتي ، لكن ما أبغى زوجي يقصر بحقهم ..
يمر 5 أيام مرات و ما يشوفهم ؟

قلت له مرة ، خلينا نزورهم بعد الفطور و ناخد شي معانا .. قاللي مو لازم ..
و راح نام ..

قلت له ، لو معاك مليون ريال ما عمرك راح تحس بالسعادة و إنت مهمل لصلاتك و تجمع فرضين ..
أنا زوجتك و أعرفك ، إنت تغيرت و كل مالك تتغير للأسوأ بأخلاقك و علاقتك مع ربنا ..

نفسي مسدودة عنه ..
محتاجة شي يهديني ،,