يتفقون على حياتهم مثل ما يبغون مثل أي أزواج بالعالم، كل حسب حاله وظروفه، في الغرب اللي يعتمد عليه البيت بشكل أكبر بالمصاريف يسمى الـ"Breadwinner" هو عادةً اللي له الكلمة العليا بالبيت "لو كان فيه فرق كبير يعني"، بمعنى لو الرجل عندهم يدفع 80% مثلاً من ميزانية البيت يصير يداوم دوام كامل وممكن ياخذ أوفر تايم وزوجته تمسك أعمال البيت، وممكن يصير العكس، وعلى رأي المثل تاكل من لقمتي تسمع كلمتي
شوفي مثلاً شيريل ساندبيرغ المديرة التنفيذية لفيس بوك زوجها رب بيت وجالس مع الأولاد وهي اللي تصرف على زوجها والبيت، لا واشترت لزوجها مشروع بالملايين "موقع سيرفي مونكي" عشان يلهى فيه ولو تقرئين مقالات أمريكية عن أسباب صبر الزوج على خيانة زوجته تلقين أولها أنه معتمد عليها بمصاريف البيت وهذا مو شيء نادر عندهم بالفترة الأخيرة ونسبة النساء بالفوة العاملة تخطت الرجال العام الماضي.

بالنسبة لحق الزواج من أخرى، فيحق للزوجة أن تشترط عدم الزواج وانتهى الموضوع،
أما حق العصمة فلها حق الخلع اللي له علاقة بالمهر، لو كان مهرها 100 ريال لاستطاعت أن تخلع زوجها بـ 100 ريال ولو كان 100 الف فمن الطبيعي أنه يجب عليها إعادة المبلغ لزوجها ولعلمك فهي سترد المبلغ بدون الهدايا والشبكة والصباحية يعني بالنهاية هي كسبانه.
بتقولين ياخذ وقت، أقول لك برضوا إجراءات الطلاق بالغرب تاخذ أشهر طويلة وابحثي وتأكدي بنفسك.

أما إذا رفضت هالشيء وتعللت بالدين فيمشون اثنينهم بالدين وانتهى الموضوع،