أشكر لكم الرد اخوني والتجاوب أم دانه ...لم اضربها قط او امد يدي عليها
ونما خلال سنوات زوجين ممكن 3 او 4 مرات كحد اعلى اللي رفعت يدي عليها وليس ضرب بل كله رد على ما تفعله ولأجل تصحو من غفلتها

زوجتي من النوع اللي تخاف اني اخرج وماتحب إني اخرج فجلوسي غالبا بالبيت وكذلك لم اخذ لها بيت لأجل يكون وقتي كله بره البيت ولا الاستراحات مليانه لكني لست من محبها انا من الدوام للبيت ومن المسجد للبيت مع المرور بالاهل لي طلعات لكن ليست كثيرة ...
وبالنسبة لي لست متسامحا مره بمعنى اني باوقات اقف لها وتعرف ان لها حد وارفض طلباتها ..خاصة اللي مالها داعي ..
لكن كل اللي كنت ومازلت اطلبه منها الاحترام الذي للأسف اهلها لم يعلموها قيمة الزوج ومعنى احترامه ..
رغم تشريفهم مرتين
والان يريدون أن يضعو الغلط علي ...
طبعا اليوم تطور وضعي ووضعها للأسوء واكيد بما انها ببيت اهلها بتعاند وتكابر وهذي اللي بيصير ..
احس بقلبها حقد وكره علي ..رغم تحاول تبين لي العكس لكن من اول ماتزعل تتكلم علي كلام اعوذبالله وكاني اشر الناس!!

المشكلة الان اولادنا كانو عندها شهرين وكانت تقول تعال خذهم بأي وقت ولما قلت لها خلاص باخذهم قالت لا كلم ابوي واستاذن منه !!!!!! والله تحاول تقهرني وتذلني قلت محكلمه وانتي المفروض ترجعي مو بعد استاذن منه عشان عيالي قالت ايه انهم ببيته ...وهم والله عيالي جوني مسكرين وحالتهم حاله حسبي الله عليهم..
المهم والله انقهرت منها بسبب هالفعل اشد من قهري عن اي شئ سوووته لأنها دخلت ابنائنا ...وتحاول تحرمني منهم
وتركتها وانا مقهور منها وعادت بعد يومين كالعادة تطلب فلوس ومصروف وانا مو مقصر معها رغم انها عند اهلها
قلت محرسل شئ لعيالي قالت اجل تعال خذهم واتيت واخذتهم
على اساس اردهم لها بعد اسبوع اسبوعين متى ما تطلبهم رغم يعز علي فراقي عيالي وبعدهم عني حسبي الله عليهم ..وعلى ابوها خاصة والله ادعي انه يتفرق عن عياله ويتشتتو ليذوق المراره اللي موحاس فيها لكن الله فوق وحسيبه ويبتليه بإذن الله قريب غير بعيد
هي كانت تبغاهم قبل يومين وقلتلها خلاص غدا فلما اتى الغد كنت اريد ان اذهب بهم إليها لكن لم ترد علي كانت تتاخر كثيرا علي بالرد ..
حتى قلت خلاص بعد الفجر بس انها ترد عشان اعرف انها تاخذهم لما ااتي
المهم اليوم نهرج عادي مع بعض بالرسائل طبعا كله ...وكلام حلو وفي نوع من الهدوء
ودار بيننا ها الحديث ..
هي : اليوم ان شاءالله تجيبهم
أنا : أخذهم متى ..؟ ( لأن بصراحه كنت ومازلت خايف انها تسوي فيها وتعاند لأن ابغاهم بالعيد ويروح معي بإجتماعي مع عائلتي واعمامي وابنائهم )
هي: جيبهم اليوم وماراح تاخذهم بعدين وتخليهم فتره بعيدين..
(بصراحه مررره انقهرت لان ما استغرب منهم انا قلت على الاقل تحس في لكن واضح ما حست تحسبني مثل ابوها قلبه حجر جعله ينكسر حسبي الله عليه.
أنا : إذا كذا واسلوبك هذا محجيبهم لأن فعلا ما اامن شركم وغبنكم. ( انا ماكنت ابي استخدم هالاسلوب لكن من اول شاكك فيها وانهم فعلا بس يبو العيال بعدين يقولو لي مراح نعطيك هم ..
هي : حرام عليك اتقي الله فيهم وفي حتى الدين اعطاني حق الحضانة
وانت لاجل ترجعني وتذلني تاخذهم خسارة اللي وثقت فيك وسلمتك العيال
أنا : هذا إذا صار طلاق والقاضي يقرر وهم مبسوطين عندي الحمدلله ومومقصر معهم
والدين ما قلك اعصي زوجك واسمعي كلام اهلك قال اسمعي كلام زوجك..

وصار بيننا كلام بعدين اني انا اللي ابي امنعهم عنها على حد زعمها ...وقلت ماحمنعهم عنك واجيبهم متى ماتبغي ...
لكن برضو تقول راح امنعك دام بتحرمني منهم ..
وتحسب علي والله فوق ونست اللي سوو في ويبغو يسووو اخذو زوجتي كمان يبغو عيالي وش ذنبي انا

وانا ما اضمن نيتها بصراحه مدام عند اهلها ...
وهي قفلت جوالها على الصباح ولحد الان ما فتحته ؟!! فشو تفسرو تصرفها هذا ...
وهي تروح وتجي مع اهلها ولأخواتها ولا كان وراها زوج !

وما هو الحل ...انا الان متردد اودي الابناء لها ..لأن حتى بالعيد ممكن ما اشوفهم ومافي انتظر لين يبدأ دوام المحاكم وارفع القضية لأن إن ما رجعت هذا اللي بسويها إن جات اهلا وسهلا وان مارضت ...الطلاق وتتحمل اللازم واللي عليها

والله الواحد حتى لوبيفكر بزوجه ثانيه ...يخاف ينصدم ...هذي حبيتها واعطيتها قلبي لكن خسارة !! وصل لحد كرهتها بسبب تصرفاتها ووقوفها مع اهلها المستمر رغم غلطهم واهلها حسبي الله عليهم اللي يحاولو يفرقونا دائم
وبعدين بسوء تصرفاتهم يحاولو يظلموني ويحطون الخطأ علي...هذا لأني اكرمتهم بالاحترام واكرمت بنتهم بكل شئ ...
وهي كله معانده يعني ان شوف وراي اهل وتحط لي الف حساب!!

علما إني والله ما كنت باقهرها من ناحيت الابناء... وكنت مجهزهم بس انتظر ردها لكن عندما بدأ حديثنا السابق كنت ابغى اعرف اسلوبها ودلعها معي لأجل أم لأجل الابناء..
لأن كل ما سالتها تحبيني تثقي في... انتي هالشئ عشاني ام عشان الابناء ما ترد... ترسل رمز ابتسامه وتكتفي بها رغم اقلها قولي ...لأجل كذا قلت استفزها شوي واشوف...
ولما جيت وابي اقلها اجيب لكم الابناء وحتى لو بتمنعيهم براحتك لكن لا تضحكي علي وتلعبي وتلفي وتدوري ..قيد قفلت الجوال ...
.ما ابغى اظلمها مثل ما تظلمني ..لكن الله فوق واعلم بما فالقلوب وإن كانت لي خير يسرها لي وإن لم تكن لي خير فسأل الله أن يصرفها ويخرجها من قلبي دون هم ولا حزن ولا ضيق وأن يبدلني بخير منها ومن اهلها
وحسبي الله ونعم الوكيل