وعليكم السلام ورحمة الله وبركاته ..

حبيبتي قلوب هدئ أعصابك معليش ما تزعلي مني لكن إنتي دائما زعلانه ومعصبة .. دائما لما تطلعوا

مع بعض تقلبي الطلعة نكد .. حذرتك من قبل بيجي يوم وزوجك بيمل ويفقد صبره .. اشتغلي على

نفسك إختي حاولي تكونين هادئة ودائما عدي لين 20 قبل ما تظهري أي ردة فعل على أي موقف يصير لك .. استغفري ربك وتعوذي من إبليس وبعدين تكلمي ..

مو حلوة تسكرين الباب على زوجك وتكلمينه بعصبية وخاصة المشكله بسيطه وزوجك جاي يلطف الجو .. أخاف تخسرينه يا قلوب. ..

كل المواقف اللي ذكرتيها للآن إشوفك إنتي الغلطانه فيها .. وحتى لو هو غلط شوي إنتي ردات فعلك مبالغ فيها جدا لدرجة حتى إذا كان الحق معك يصير عليك ..

إنتي تحتاجي تسترخي خذي لك حمامات دافئة دائما وجيبي لك زيوت واعشاب مهدئة .. اللافندر مفيد جدا ..

واشربي شاي بالبابونج .. إنتي دوري على الأشياء اللي تساعد على تهدئة الأعصاب ،،

مارسي رياضة خاصة المشي والهواء الطلق .. جربي اليوغا ..

المهم تتحركي وتنقذي نفسك .. مو عشان زوجك وبس لكن عشانك إنتي كمان .. إذا دائما تنظرين للجانب السيء من الأمور متى بتستمتعي بالحياة ؟؟

__________________