زوجك لايعرف ابدا كم بحسابك..
اذا عنده الارقام السريه لبطاقاتك غيريها..
ولا يعرف انك توفرين ابدااا سواء لبيت او غيره..
قولي له انك صرفتي نظر عن شراء البيت..
لان مصاريف الاولاد كثيرررره..
واعملي لك حساب توفير سري.. وفري من وراه..
وبين فتره والثانيه تكلمي عن مصاريف اولادك..
يعني قولي تصدق مدرسه فلان زادوا الرسوم..
او فلانه طالبه منها المعلمه تشتري كذا..
او تكلمي بغلاء الاسعار..
قولي له تخيل سعر الحاجه الفلانيه وصل لكذا..
وقبل اخر الشهر بيني له ان راتبك طار من المصاريف..
وشوفي لك احد من اهلك.. اختك مثلا..
وادعي قدامه انك تساعدينها بفلووووس..
وقولي اختي صاير عندها مشاكل بحول لها اللي بحسابي..
واذا اعترض قولي له بهدوء: حبيبي مو شايفني اساعد اهلك
اهلي بعد يستاهلون اساعدهم واعوضهم بعد هالسنين..
ولو زاد بالكلام وقال ايش فايده زوجها ووين اخوها عنها..
قولي له بابتسامه.. قلوا الرجال بهالزمن ياحبيبي..

نجي لاخوه وزوجته..
دامهم يدعون الفقر والحاجه وهم غير كذا..
ادبيهم بطريقك ولاتعطينهم الا اشياء عينيه مو ماديه..
يعني مثلا جمعي ملابس اولادك القديمه وعطيها زوجك..
قولي له يعطيها لهم لانهم مساكين ماعندهم..
حاولي هنا تبينين حزنك وصدقك لزوجك مو استهتارك فيهم..
نفس الشي اغراضك القديمه للمطبخ او الاثاث القديم..
اي شي تحسين خاطرك ترمينه ارميه عليهم..
حتى لو من ورا علم زوجك.. يعني ارسليه مع عيالك..
منها تكسرين عينهم عشان يفوقون لنفسهم شوي..
ومنها تحاججين زوجك لو تكلم بضروره مساعدتهم..
قولي له حبيبي صادق ولهذا السبب جالسه اساعدهم..


بالمختصر اشتغلي من تحت لتحت وببرووود..
زوجك واهله يستغبون عليك.. جربي تستغبي مثلهم..
وابعدي تماما عن المواجهات الصريحه وكلام المسؤوليات..
زي ماقلت لك وفري من وراااااه وخبي فلوسك عنه تماما..
وبنفس الوقت حسني علاقتك معه جدااااا
في الضحك والسواليف وكل شي..


نقطه مهمه..
شيلي من بالك طليقته وولدها تمامااااااا
لا تفكرين ولا تقارنين بينهم ابدا...
زوجك حنون بعباطه.. يمكن يعطي ولده الثاني بدافع الشفقه..
بعدين اذا ماعدل بين اولاده ربي بيحاسبه مو انتي..
وطليقته راحت بحال سبيلها وتزوجت فانسيها
مشكلتك الفعليه مع لؤم اهل زوجك لانهم يشحنونه ضدك..
تعاملي مع المشكله بكيد النساء.. وبهدوء..
لا تتصدمين معه ابدااا.. وشيلي الطلاق من راسك..