المشاركة الأصلية كتبت بواسطة روح الطير

اخوي واضح انك خجول و ماتحب تظهر مشاعرك ..

فكرتني بموقف حصل لي ..

كنت طفلة عمري 9 سنوات .. لميت مرة ورود من الحديقة حقة بيتنا و عملت عقد من الخيط ..
و ناديت اختي الي اصغر مني و قلتلها اعطيه لماما و بابا .. و كتبت لها ورقة اهداء منها لهم ..

كان وقتها اهتمامي اني ادخل الفرحة بقلب ابوي لانه ماعمره احد من اخواني و اخواتي يفكروا كذا مثلي

المهم ابوي شاف الهدية و مرررررة فرح بها و كان ابويا عصبي و يخافوا منه اخواني و خواتي الكبار
بس كنت انا مختلفة عنهم بس استحي منه

المهم انه نادى اختي و حضنها و انبسسسسسسط و قال للكل
و انا وقتها مازعلت .. فرحت لانه انبسط اهم شي

لما طلعت الثانوية .. كنت جالسة مع ابوي ..
فتح خزنة له .. و وسط الاوراق كان شايل الورقة الي كتبتها بخط يدي .. على انه العقد اهداء من اختي

المهم ابوي قاللي و هو مبسوط ..
هذه الورقة الي كتبتها اختك لي و دابت لي عقد ورد .. محتفظ به لحد الان

استحيت اقول له انه انا الي سويت و فعلت و عملت .. حسيت ماهي من اخلاقي و ماعرف

المهم مات بعدها ابوي الله يرحمه ..

.
.

اخوي ..

انا كنت مثلك .. و بسبب طبعي هذا اني اقدم الشي و ما اتكلم
جاتني اتهامات كثيرة من اخواتي و اخواني بعد موت امي ..

اتهموني اني ابخل على امي .. وماهم عارفين الحقيقة
و الحمدلله .. بعد موتها .. انا اكثر وحدة مواصلة على محاولة البر بها ..

فإنت لاتهتم بكلام ناس ..

و الله بتتعب ..

و بالنسبة للنصيب .. لسى ربي مو كاتب لك ..