حبيبتي لمسة ماله داعي توسوسين وتحاتين
والحمدلله التحليلي الرقمي نتيجته مطمئنة..ومبشرة بالخير
من المعروف طبيا علشان البويضة تتلقح لازم يكون حجمها 18 ملم
أما إذا أصغر فلايمكن تتلقح ..وحتى لو حدث التلقيح بقدرة الله فهي تنمو لتصل للحجم المطلوب وتحدث الإباضة فيها متأخرة
ويحدث الحمل طبيعي بإذن الله
أما إذا ماتلقحت فراح تنزل لأنها بتكون من البويضات الأوليه الغير صالحة للإخصاب
نصيحه اختي الغاليه..لاتسوين فحص مهبلي أو سونار داخلي
أنا سويت سونار داخلي وكنت متخوفه حيل منه..والطبيبة أكدت لي إن مافيه أي ضرر
وبعدها ثاني يوم أصابني نزيف وأجهضت حملي
لاتسوين أي فحص داخلي وأصري على الرفض..وبالإسبوع السادس أو الثامن راح يبان كيس الحمل في السونار الخارجي
بس إنتي لاتستعجلين..واصبري