اقتباس:
المشاركة الأصلية كتبت بواسطة LoLo^^
أهلا وسهلاً..
مساء الفل ..
رمضان مبارك ..
طبيعي جداً .. منتي متأخرة ولا حاجة .. دحين سن الزواج تأخر إلى نهايات العشرينات هذه مشكلة عالمية ..
زمان كانوا يتزوجو صغار بدون تعقيدات .. دحين الحياة صعبت شويا ومدام انك تشتغلي فالخير جايك ان شاء الله يعني منتي منغلقة على نفسك لا في زميلاتك بالشغل والناس حتعرفك تدريجياً.. وحلو انك ما تخرجي كثير عشان سمعتك .. انتي اللي راح يخطبك حيكون مميز فعلاً .. لانه يبغى وحدة مميزة مثلك وتجلس في بيتها ومتربية .. وصحباتك ممكن اتزوجو ناس في نفس مستواهم الديني .. يعني حقين طلعات وخروج ومايهمهم هذا الشيء .. أما موضوع أختك فلا تحطي في بالك ان ابوك يحبها أكثر منك .. أبوك يحبك بس دايما يكون الشد على البنت الكبيرة .. ويمكن أختك قوية فيظنها ذكية .. في المجتمع مفهوم القوية ذكية واللي على نياتها مو ذكية ..
|
مساكي ورد لولو
وشكراااا كثير على ردك الحلو
والله احيانا انا كمان لما اسمع شي حصل لي شي بنت احمد ربي لأني مااطلع من البيت واحيانا اقول معقوله في هيك شي يعني احس اني ماجايبة للدنيا خبر وعلى نياتي كأني عايشة في عالم ثاني
احس ماعندي خبرة في شي مع اني لي حلم جميل واحس اني راح اكون ست بيت ممتازه جداا لأني احب ابني دايما السعادة ولو على حسابي
وهذه أول مره اطلع لي في قلبي والله العظيم
تشجعت احكي بعد ماقرأت أكثر من مشكله
الله يسعدك لولو ربي يوفقك ان شاء الله ويكتب لك الي فيه الخير
جزااك ربي كل خير