رد : مصدووومة من تهديد زوجي
شوفي انا ما راح ابرر فعلته بس اشرح لج اللي صار.. و انت عليج تاخذين بكلامي او ما تاخذين فيه...
اولا زوجج ما تقصد يضربج... و وااااضح كل اللي صار ردات فعل منج و منه...
يوم وضع يده على فمج فهذا كان علشان يسكتج لانج كنتي تصارخين و ما حب احد من الجيران يسمعكم
شد الكتف كانت نتيجة حدة الخلاف اللي صار....
اختي كل اللي صار لج خلاف تصاعدت وتيرته.... و سامحيني عالكلام... بس هناك احتماليه ان لو انتي التزمتي الهدوء عوضا عن الصراخ... ممكن الموضوع ما يتفاقم.. بس هذي مجرد احتماليه...
الاسئله اللي طرحتها عليج كانت لهدف انج تفكرين عدل في الخطوه اللي ناويه تسوينها... اللي هي خطوة الخروج من بيت الزوجيه... اذا كان هو و معاج في البيت معطيج طناش... فشو تتوقعين بيصير لو طلعتي من البيت؟ انتي متأكده انه راح يجي يستسمح منج؟؟؟ متأكده ان راح يرضخ لطلب اهلج و سؤال اخوج هو شو يبي بالضبط؟ هو حاليا انسان زعلان حاله من حالج... زوجته تركت البيت عوضا عن محاولة حل الموضوع.... ممكن يقول لأخوج... اختك شو تبي؟ انا ما طردتها؟ اسألها شو تبي؟ تبي بيتها؟ حياها الله؟ ما تبي بيتها؟ هذا شي راجع لها...
اختي الشيطان يستغل فترات الغضب عند الطرفين لتصعيد الخلاف اكثر و اكثر... يبدأ يظهر عيوب الطرف الثاني و يكبرها و يكبرها لدرجة تخليه يحس انه مستحيييييل يعيش مع هذا الانسان.... هذا هو هدف ابليس... تفريق الاسرة المسلمه..
الشيطان اشتغل عليج صح و صعد الخلاف بينكم و ما زال فرحان بالخلاف.... و الشيطان عنده الحين يقول له "شوف.. هي ما تحترمك... رفعت صوتها عليك... خلها تولي... لازم هي تطلب رضاك"... و بعدين يجي عندج و يوسوس و يوسوس و يوسوس..
موضوعج يحل و انتي في بيتج.... بنساعدج في ايجاد حلول مناسبه... و لكن اذا كنتي حابه تجازفين فهذا يرجع لج..