رد : حاسة بخوف وندم .. ختان ولدي
حمدلله على سلامته فديته.
خمس شهور يالظالمة ! 
شخصياً كنت أبا أختن سلطان ثاني يوم الولادة .. وكنت على وشك أعبي الورقة .. بس ما أذكر شو صار بالضبط وزوجي ما رضا يختنه عندهم!
طلعت من المستشفى بس حالتي ما كانت تساعد كثير اني اطلع أو أتحرك براحتي .. فأجلنا الختان شوي .. لكن لما قرب سلطان يكمل ثلاث أسابيع قلت خلاص لازم نختنه.
وفعلاً توكلنا على الله .. بس رحنا مستشفى ثاني غير اللي ولدت فيه.
والتخدير كان موضعي .. بس للأمانة لو كان الدكتور طلب تخدير كامل ما كنت بارفض .. صراحة ما كنت متخيلة يقصون قطعة من جسم ولدي وهو صاحي!!!!!!
زوجي دخل معاه بروحه .. وفي الحقيقة لا أنا كنت مستعدة أدخل وياه ولا زوجي كان بيوافق لأنه يعرف إني ما باتحمل .. وحتى في تطعيماته الأولى كان هو اللي يوقف على راس سلطان .. وأنا أتم بعيد.
طبعاً كنت أم مستجدة وقلبي رهيف .. بس بعدين خلاص قلبي صار قوي وصرت أقدر أجابه هالمواقف بروحي.
المهم .. تمت عملية الختان ورجعنا البيت .. وما أذكر إن سلطان تألم كثير أو إن الألم طوّل وياه .. وكنت بس أستخدم له مطهر.
__________________
اللهم طِيبَ الأثر .. وحُسْنَ الرحيل.