ألم أسفل الظهر وتزداد شدته عندما اصحوا من النوم
السلام عليكم ورحمة الله وبركاته
اسعد الله اوقاتكم بكل خير وسعادة وأسال الله ان يكونوا كل أخوتي واخواتي واحبتي في المنتدى بخير وعافيه يارب
ويعلم الله إني افتقدكم كثيرا ولاكن ظروف الحياة هي التي غيبتنا عنكم ايها الأحبه
اما بعد عندي مشكلة صحيه لها تقريبا اسبوعين او اكثر بالبداية كان الأمر بسيط عندي وكنت احس بألم في اسفل الظهر بس كان خفيف وقلت في خاطري عارض صحي وبيروح ان شاء الله مايحتاج علاج يمكن ارهاق او تعب بالعضلات وبيخف ولاكن مع الوقت ابتدى يزداد عندي الألم ويشتد ولي تقريبا اربعة ايام جالسة على المسكن والكريمات طبعا السرير عندي مريح ومرتبة االسرير توي اشتريتها مالي إلا شهرين وماخذتها طبية وكذلك المفرش واللحاف والوسادة كلها من النوع الجيد والمريح وما اذكر إني شلت ثقيل او تحركت حركة غير طبيعيه وسببت لي هالألم طبعا المستشفى الصراحه مارحت لهم وطرحت مشكلتي هنا ابغى مساعده من الأخوات في هذا القسم لعلى وعسى عندهم معلومات يفيدونا فيها ونرتاح من المستشفيات وغثاها طبعا لما اتحرك وامشي واجلس واوقف ما احس بالألم الحمدالله بس مجرد ما احط ظهري على السرير تبتدي المعاناة عندي اول شئ ألم شديد وبعدين احس إنه ظهري من اسفل بينكسر من شدة الألم وما ارتاح إلين آخذ مسكن وانام ولا جاء صحيت من النوم يعاودني الألم وبشده ولا اقدر اتحرك إلا على خفيف حتى اقدر اقوم من السرير وامشي بعدين يبتدي يخف طبعا الألم في منطقة الحوض كاملة من الخلف ويمتد إلى منتصف الظهر في الأعلى وكمان لما اكون متسطحه بالسرير وحاطه خلف منتصف ظهري وسادة ومستنده عليها ما احس بالألم بشده بس مجرد ما انام على السرير بشكل كامل تبتدي معاناتي مع الألم والحمدالله على كل حال وهذا موضوعي واتمنى الإفادة من الأخوات اللي بالقسم وكمان الأخوات اللي مرت عليهم مثل هالحالة ونسأل الله العظيم الشفاء العاجل لنا ولمرضاكم ولمرضى المسلمين يارب
أختكم ومحبتكم في الله أم سلطان
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله