رد : { مميز } ايش عاميلن على الغدا....... الغدا على مين اليوم@-@
اقتباس:
المشاركة الأصلية كتبت بواسطة سكر2
امممم مهره ابغى طريقتك بالكشري بجرب تعرفي تطبخي ولا لأ؟؟
امزح امزح  بس شكله مشهي .. كثير .. |
اقتباس:
المشاركة الأصلية كتبت بواسطة فاكهة الشتاء
مهره الحقينا بالطريقة بسرعة
ةبالتفصيل
اهم شي طريقة الرز والسوس
والمعكرونة بعد هههههههه
مابقى شي
|
في الحقيقة ما ادري اذا اعرف اطبخ والا لا يا سكر .. بس المحصلة ان طعمه حلو
نبدأ باسم الله
المقادير.
كوبين رز مصري (منقوع لمدة نصف ساعة تقريباً) + ربع أو ثلث كوب عدس أسمر (منقوع لمدة نصف ساعة تقريباً) + ثلاث أرباع كيس معكرونة.
وطبعاً هالمقادير اختيارية .. يعني في ناس تحب الرز أكثر عن المعكرونة (مثلي 
) .. وفي ناس تحب تكثّر العدس ..... فكل واحدة وراحتها.
طبعاً نسلق المعكرونة بالطريقة المعتادة .. ونخليها على جنب.
في قدر نسخن شوية زيت ونضيف حبة ماجي ثم نضيف العدس ونغطيه بالماء مع ملعقة صغيرة كمون .. ونسلقه إلى أن يقترب من النضج .. ثم نضيف الرز المصري مع حبة ماجي ثانية .. ونقلبه مع العدس ثم نغطيه بالماء .. ونتركه على النار إلى أن ينشف الماء .. ثم نقلل النار أو نضع القدر على أصغر عين ونقلل النار .. ونتركه ينطبخ بهدوء حتى ينضج العدس والرز.
في النهاية نخلط العدس والرز مع المعكرونة .. ونضيف نصف علبة حمص .. ونخليهم شوية على ذات النار الهادئة. 
هذه الطريقة اللي احبها لأن طبخ العدس مع الرز يعطي طعم أحلى .. بس لأن زوجي ما يحب هالطريقة فأضطر في وجوده أن أسلق العدس مع الكمون لوحده .. وأعمل رز مصري مع الشعيرية لوحده .. ثم أخلطهم مع المعكرونة.
بتسألون ليش لما سويتي الرز منفرد سويتيه مع الشعيرية .. باقول لكم لاني لما سويت الرز بروحه طلع طعمه مب ذاك الزود .. وما حبيته!
أما الصوص .. فمقاديره: شوية زيت + 4 فصوص ثوم مدقوق + 2 ماجي + فلفل أسود حسب الرغبة + حبة طماطم كبيرة مقطعة + علبتين معجون طماطم للي يحب الصوص خفيف أو ثلاث للي يحبه أغلظ + لتر ماء.
طبعاً حد من الناس يحطون خل .. لكن الخل مب دايماً متوفر عندي .. فكنت ساعات أحطه وساعات لا .. وفي النهاية استغنيت عنه تماماً.
وسلامتكم.
__________________
اللهم طِيبَ الأثر .. وحُسْنَ الرحيل.