رد : خايفة من الولادة دعواتكم بالتيسير
امشي كثير .. ومع المشي استغفري على طول ولا تفكري في شي ثاني ..
وأكلي رطب ..
هذه أمور لا تقدم الولادة لأن متى ماكتب الله بتولدين ..
ولكنها تسهلها بإذن وتكون عليك هينة ويسيرة ..
انا مثلك .. اول ما ادخل التاسع استعجل وأحن أبي أولد ..
في البكرية أخذت 6 أيام من العاشر ..
متفهمة مشاعرك ..
بس مسألة الألم .. ممكن تشرحيلنا آلام أيش وأيش سببها ؟؟
يمكن تكون امنان .. وهي آلام خفيفة مثل الطلق ولكن في غير موعد الولادة ..
بقول لك عن تجربتي بآخر ولادة ..
كانت معاي امنان اسبوع تقريبا ..
آلام خفيفة تجي وتروح مالها وقت وغير منتظمة ..
فلما جه موعد الكشف العادي بالمستشفى عملوا لي تخطيط وكان فيه مؤشرات لطلق خفيف والممرضة تسألني جالك ألم من شوي أقول لها لا ماحسيت..
دخلت على الدكتورة وترجيتها تولدني لأني كنت حاسة بثقل غير طبيعي, بطني كبير ووزن البيبي كبير ومعاي فقر دم أتعب بسرعة ما اقدر أمشي ولا أصلي ولا أتحرك .. ومعاي بواسير الله يعزك .. يعني تعب في تعب ..
فقالت الدكتورة من التخطيط يبين إنه عندك انقباضات خليني أشوف الرحم إذا انفتح ..
الدكتورة شاطرة .. عملت لي تحريض ..
يعني دخلت يدها اكثر ووسعت المنطقة وهي بس تفهمني إنها بتشوف إذا فيه توسع ..
وتبي تشوف الراس بعيد أو قريب .. لكنها حقيقة قامت بالتحريض باليد ..
وقالت مافيه شي خلاص روحي بيتكم وربي يسهل لك ..
رحت البيت وكان ظهر .. ماجه العشا وانا داخلة اتوضا للصلاة إلا وأشوف دم ..
وعرفت انها اللي يسمونها البعض سدادة الرحم ..
مع انه ماكان فيني ألم ماعدا الأمنان ..
رحت المستشفى وكان التوسع 3 سم .. بعد 4 ساعات ولدت الحمد لله ... قبل موعدي ب 9 أيام ..