اللهم إن كان شرا لكِ أن يبعده عنك ويبعدك عنه وان كان خيرا لكِ أن يقربه ويتمم لكم على خير

أشكر لك ثقتك حبيبتي ولو اني أشوف انك تنزلي موضوع يخص النقطة هذي تحديدا (شنو تسأليه ) في القسم العام لأن في كثير عضوات وأعضاء أتوقع بيفيديونك

بالنسبة لي أشوف
تسأليه شنو نظرتك لزوجتك المستقبلية .. شنو تتوقع منها تكون صفات شخصيتها ؟ وشنو أهمية الزواج بنظرك ؟ بمعنى شنو أكثر الأشياء اللي حدتك تتزوج ؟

من برأيك الشخص الملتزم دينيا ؟؟ شنو صفاته ؟

اسألي وين ناوي يسكن وهل عنده سكن مستقل أو لأ وحاولي تكوني حذرة وودودة جدا تجاه امه بطريقة هذا السؤال بالذات وتكون ردة فعلك على جوابك فيها تقدير واحتواء لوجودها بحياة ولدها ... ما بدي اذا صار نصيب انها تكون حقدت عليكِ من البداية

اسأليه وين درس وشنو طموحه بحياته وبعمله

هواياته وشنو يحب وشنو يكره .. من ناحية كتب , تلفزيون , سفر , ـأحاديث وسمر , مزح .. جد

اشرحي عن نفسك الأشياء الي تشوفيها ضروري يعرفها

تفضل أن زوجتك تساعدك بمصروف البيت فهل هذا بيستمر في حال كان في أطفال وكيف توفق زوجتك بين الأطفال والعمل ؟

هذا الموضوع طرحته عضوه وسالت سؤال يشبه سؤالك يمكن تستفيدي منه
http://www.66n.com/forums/showthread.php?t=246897

اذا كان في امكانية لجلسه ثانية فيكون الأفضل أن تكون هذي الجلسه الأولى عامه وفقط لتحديد الشعور المبدئي والشكل الخارجي وهل هناك رغبة من الطرفين بمزيد من التعارف وبالجلسه الثانية تكون هذي الأسئلة لكن لو مافي مجال إلا لجلسه واحده فالله المستعان

الله يوفقك يا فليكا ويفتح لك أبواب الخير ويبعد عنك اولاد الحرام

__________________