قصة زواجي دامت 3 اشهر فقط طالبه استشاره
السلام عليكم ورحمة الله وبركاتة
بارك الله فيكم علي هدا الموقع الرائع
انا تزوجت من رجل يكبرني 6 سنوات عمري 26 وعمره هو 32وعشت معه 3 اشهر الاولي من اول شهر في زواجنا كان يتجنبني ويسهر مع الاصحاب ومع الاهل ومعي يرفض يسهر معي بحجة انه عنده شغل وهوعلي فكره ما يشتغل ويصبح الصبح جالس في بيت اهله....يكثر الجلوس في بيت اهله بطريقة مفرطه من الصباح والمساء والليل حتي اهله مو موجدين يجلس في بيتهم لوحده حتي اطلبه او ادعوه ان يجلس معي قليل مايجلس
ولم يحظر لي اي هديه من بداية زواجنا
سافر الي بلد اخر كان يكلمني دقيقة ويقفل حتي اا انا اتصل بيه واقول لنفسي يمكن بسبب بخله وااقوم بالاتصال به يسوي نفسه مشغول ويستعجل ويقفل ورجع بعد اسبوع ولم ياتي لاخدي في الليلة الاولي واتصلت به وتحجج وقال لي سااتصل بيك بعد بعد دقايق وهو جالس في بيت اهله ولم يتصل بيي الا بعد ساعة وعلي فكره سفرته لم تكن لشغل لانه لا يشتغل تعبت من الموقف هدا كثير خصوصا لان لنا شهر بس متزوجين
وكان متقلب في كلامه واتخاد قرارته في مواقفة في كل شي متقلب حتي اهو مره قالي مو عارف نفسي ابيك او ماابيك
ودايما يتردد في كل شيئ بسويه يتردد حتي المطعم يتردد فيه او السبرماركت يتردد يروحله او لي ااي واحد يدخله متعبني معه في كل شي ورغم انه استحملت بخله وانه مايشتغل وعلي اتفه الاسباب يسوي مشكله كبيره
في يوم قالي شرايك اشتغل مع ابوك قولتله اوك قالي خلاص كلمي ابوك وكلمت ابوي ولما جلس مع ابوي قال لي ابوي انا عندي شغل وعندي اكثر من عرض لشغل تعبت تعبت معاه كل يوم كلام
هو من النوع اللي بكل حركه يسال ابوه حتي علي طلعتنا يقول لابوه
وابوه يدخل في حياتنا كثير في طلعتنا ولا دخلتنا
ودايما ينسي ومتلخبط وعنده تردد لما وارسله مسج رومانسي وااقوله ليش ماترسلي مسج يقولي هدا نفاق
قعدت عنده 3 اشهر وطلعت منه وطلبت الطلاق
لان اخر شيئ سواه معي راح حطني في بيت اهلي وقالي نامي عندهم اليوم واليوم تاني مات قريب له واتصل وقالي وعزيته وانا قاعده اساله عن اهله ادا بروحو او لا سكري في وجهي التلفون قفل الخط بينا بطريقة فضه
وماكلمني 3 ايام بعدها اخته اتصلت فيني قتلي زوجك يقول انك ماعزيته وانك ماتبين تروحي للعزاء وانا اساس مااعرف مين المات وانا ماقولت هل حكي يعني يكدب علي
ودايما يقولي انتم ماسويتو شي لي مااعطيتنو فلوس ماسعدتني عشان اسوي سياره حلوه
انا مااشتغل بس اهلي حالتهم ممتازة
واول ماخطبني في المقابله الشرعية قعد يشكر في نفسه وقال ان وضعه المادي ممتاز وانه مستعد يسويلي سيارة
وطلع اهو اساسا ماعنده سياره السيارة سيارة ابوه
تعبت معه ماعرفت هل مريض نفسي او احمق او شنو بزبط
ياريت تقولو لي ادا عنده اعاقه في النضج العقلي ولا شو والحين يبغي يردني ويبي يرجعني
ويوم يبغي يردني وتاني يوم يقولي انا مااقدر اردك غيرت رايي لان خوفت بعدين يرجع ويوقول انت مافي منك جمال ونظافة وخلق ودين وانا متاكده ان عاجبته ويبني بس اهو ضايع مع هالمخ وتقلب الراي اللي عنده
ويقول زوجي سابقا وطليقي حاليا انه ابوه قاله طلقها احسن لك
وهده قصتي محتاجة الدعاء امس كنت عروس واليوم في بيت اهلي و وطلقت
التعديل الأخير تم بواسطة متفائله خيرا ; 06-10-2013 الساعة 04:52 AM