المشاركة الأصلية كتبت بواسطة Num.LocK

وضعت الملح على الجرح وكأنك تتكلمين عني فعلا مارح يحس فيك الا اللي عايش وضعك ،، وللاسف بعض الردود تزيد الوجع وتتهمك انت بالانانية مع ان المواضيع والمنتديات تعج بشكواهم وبمن يشعر فيهن ،، لكن اللي مثل وضعي ووضعك قل من يشعر ويطبطب ويتعاطف معهن ويهون عليهن،، فما بالك لما يكون اللي مثلهم حولنا ويعيش معنا اللي هم اهلنا والاصعب من التهميش انهم يقفون مع الكبيرة في اي نقاش واي مشكلة بزعمهم هي الكبيرة العاقلة الصبورة المسكينة اللي ماتزوجت وانت الصغيرة المتمردة اللي تفكرين في نفسك ،، وياعزيزتي اللي تقول تبين اختك ترضى باي زواج عشانك ؟؟ عزيزتي عفوا بس ترى هذه هي الانانية بحد ذاتها كون الكبيرة ترد الناس وتتشرط دون مبرر او عذر وكل هذا على حساب خواتها لو انها رضت بزوج مايعيبه شي كان ماضرها شي لاهي ولاغيرها اهون من انها تضر خواتها ونفسها على حساب احلامها الوهمية
وانا على كثر نظرات الاعجاب والاسئلة والتلميحات اللي اتلقاها من الناس لكن مااحد يتجرأ يدق بابي وعندي خوات اكبر مني الا باذن ربي وللاسف حتى امي ماحست فيني لما اللي بعمري او اصغر مني من اقاربنا او حتى صديقاتي يتزوجون تروح تتعاطف معها وتهون عليها مع ان هذا نصيبها ونتيجة قراراتها حتى انا هذا نصيبي بس قراراتها كانت طرف في تحطيم احلامي انا وخواتي عزيزتي لاتشكين الا لربك ثم لاحد يشعر بك لاننا بنظر البعض انانيات ونفكر في دورنا ولايحق لنا نتكلم عن رغباتنا
وعذرا لو كان في كلامي بعض الحيادية لكن انا ماتكلم عن اي اخت كبيرة لا انا تكلمت عن اي اخت فكرت وتشرطت لنفسها والنتيجة غيرها يتحمل عواقب تصرفاتها