السلام عليكم

لاجد غير هذا المنتدى افضفض به مابداخلي توقعت ان الزواج فيه حب واستقرار

توقعت اشياء كثيره لم يخطر ببالي انه يتخلله مشاكل

بسرد لكم قصتي والبعض يعرف البدايه والبعض يعرف اجزاء مشاكلي

انا بعد ماسقط طفلي والمشكله الي صارت بيني وبين زوجي الحمدلله انحلت

طبعا طنشته فتره ورجع هو والحمدلله رجع كل شي مثل اول واحسن وكان بيننا حب

مشالله لايوصف

وقبل فتره رحت لبيت اهله طبعا ابوه متوفي بس امه عايشه وطيبه جدا معاي

رحنا وتمينا عندهم 3 ايام ورجعنا بيتنا انا وزوجي وتغير علي كثير مايتكلم معاي

يطلع العصر ويرجع الساعه 3 بالليل مسكته وسالته ليش متغير علي

قالي انتي تهيني اهلي بصراحه انصدمت كيف انا اهين اهلك متى وكيف ؟

بكيت والله وقلت له فهمني متى اهنتهم

تخيلوا قبل فتره قلت له طلع لي جوال بلاك بيري شفته مع خواته وعجبني

قلي ان الي تطلع جوال بلاك بيري هي داشره وكلام ماينقال بس انها خربانه

انا قلت له ليش تقول كذا وخواتك معاهم بلاك بيري قال بس كذا

وهذا زمان ولمن رحت لاهله زوجة عمه قالت لي بالجلكسي بتنزل خدمة البيبي

والله هي قالت من نفسها وقالت لي نزليه بجوالك قلت زوجي مايرضى

قالت ليش مايرضى وقلت لها كلامه وكانت اخته فيه وامه وضحكوا وغيرنا السالفه

بس لمن رجعت البيت وقلي ذا الكلام انصدمت انهم عبو راسه علي والله اعلم

وش قالو له بعد وانا رديت عليه قلت له انا ماقلت شي ولا اهنتهم انت لتهاوشنا تلعني
وتلعن اهلي وسكت وماقلت شي

بالله مين الغلطان انا والى هو

واللحين صرت انام بغرفه وهو بغرفه هو ينام ويطلع العصر ويرجع اخر الليل

وانا طول اليوم جالسه لحالي والله اني ابكي لاني كنت طيبه مع اهله لدرجة اني كنت ع نياتي

واللحين تامه في البيت بس لحالي طفشت وزهقت وكرهت الزواج واحس نفسي مثل الشغاله

اغسل واكوي وانظف وهو يرجع ينام مثل الفندق ويطلع

احيان افكر اروح لاهلي واتركه بس اتذكر ان ابوي تعبان بالضغط والسكر وعنده اختي مطلقه

اخاف ازيد همه تكفون شورو علي تعبت خلاص كرهت الزواج وكرهت كل شي

حتى الي ماعنده حل يدعي لي