رد : وش باقي من الآلاااام والتجريح....
والله ماعندي شي أخسره...
وش بخسر!
بس المصيبه مهما حاولت أصد..
تتوتر العلاقة أكثر
وتكبر الفجوة
والوضع السيئ على ماهو عليه..
اي شي بالبيت أنا مسؤولة عنه
أي خراب أي تلف أي لمبة منسية تتسكر من أي أحد
أو أحد ولعها ونساها أنا اللي يزعل ويكلمني
كل شي أنا يحملني اياه
ودايم قدامي يذم الحريم
فيهم وفيهم وراعيات مشاكل وإن كيدهن عظيم
ومهما صلت وقامت لربها فيها وفيها...
تبعت نفسيتي
اقسم برب العزة والجلال إني كرهته فوق ماتتخيلون
مافيه ذرة إحترام لي رغم إن شخصيتي قوية
ولو رديت عليه ليش كذا أو أحترمني قال بعد!
تراديني ياملسونة! مافيك أنوثة!
أحسه أوقات يكذب الكذبة ويصدقها
يتقول علي اللي ماقلته
والمصيبة في لحظة هدوء لمن يجي نقاش عابر
يطلب مني حسن الظن بالناس!
وأنا ليه ماتحسن الظن فيني!
وكيف أعيش حياتي بدونه وأخليه صفر إذا كان صفر كبر قريح متربع قدام وجهي!!
هو مو شباك واسكره ولا باب وأقفله
هذا آ\مي ذكر ربي في كتابه عنه وجعل بينكم موده ورحمه
هن لباس لكم وانتم لباس لهن!
الفطرة الإالهيه وينها؟؟؟
ماقال حب وعشق ولا حتى جنس
قال مودة ورحمه
وينها؟؟؟؟
ليش الرجل يستحل زوجته ويستبيح نزع الحياء قدامها
ويتكلم عنها بما يسيئ لها!
ليه يستغل صعوبة الإبتعاد عن حياة زوجية ويهينها!
هي مو بياعه بمحل تقول لك مع السلامة وتدور شغل ثاني
هذي حياة إذا تركتها يترتب لك فيها اشياء كثيرة
خاصة لمن يكون فيه أطفال..
تطلب منك التهيئ لحياة ثانية
فليش دايم يتعبطون وياخذونها سالفة الزوجة بدالها زوجة!
وبدال الوحدة أربع!
وأنا أقدر واقدر حيطة يارب على جثة من نفخ ريشة يارب
أكره الرجال وحقدت عليهم صرت أشوفهم كذابين خوانين
إذا يقولوا للحرمة ناكرة عشرة فهم يتنكرون لربي
ماعرفوا حقوقهم ولا أدري وش درسوا وتثقفوا!
رأسي أحسه بينفجر
أبي جلسة يوقا والا أحد يخبط رأسي أفقد الذاكرة
كرهت إني أعيش عشان مشاكلي
كأني أنخلقت عشانها
وياليتها مشكلة واضحة كان تهون
يمكن الواحد يفهم وضعه أقل شي
أنا كأني وحده لفت ولفت ولفت ولفت ولفت لين داااخت ووقفت فجأة
لاهي عارفه وين هي والا وش قدامهاوماتدري إلا وهي لاصقة بأقرب جدار!
وضع محير وخذ وقت مو هين من عمري وتي تي مثل مارحتي جيتي
بس يفرق العمر اللي راح وياليت يرجع!