من عيوني يالغلا،،
اول شي انا اسوي تقريبا 3 قطع لحم ورز على قدنا انا وزوجي وبنتي والشغالة
فاتوقع ان انتي نفس الكمية

المكونات
لحم بعظم
ارز بسمتي
1 بصل مكعبات
1 طماطم مكعبات
1 بطاطا مغسولة دمقطعة حلقات متوسطة بقشرها
2 جزر
1 فلفل بارد مقطع حلقات
3 قرون فلفل حار
بهارات

الطريقة
في قدر كبير سخني شوية زيت وحطي البصل شوحيه شوي ليصير ذهبي ثم حطي اللحم
وقلبي اللحم خليه تقريبا 10 د
بعدين حطي بهارات حب ورق غار فلفل اسود قرفة هيل قرنفل ومن اللي عندك
اضيفي عليه ماء ساخن وخلي اللحم يبدا يغلي
كل مايطلع رغوة فوق شيليها
وبعد ما تحسين ان الرغوة قربت تخلص ابدي حطي البهارات المطحونة


طبعا الموضوع في البهارات يعتمد على ذوقك ياروح وعلى كمية الماء اللي حطيتيها
بسعلمي نفسك تذوقي الطعم وانت تطبخي لحد ما تصيري محترفة بالطبخ


الملح 2 ملعقة ص
2 م ك بهارات مشكلة عربية
1 م ك كركم
1م ك كزيرة مطحونة
نصف م ص فلفل اسود او خذي رشة صغيرة بايدك
وحطي من كل البهارات اللي عندك روح شوي شوي وخلي اللحم يبدا ينطبخ

طبعا بعدها بشوي اضيفي الخضار البطاطا والفلفل الحار والجزر 1 م ك معجون طماطم بس اتركي الفلفل البارد لا تحطينه لانه يذبل بسرعة
اللحم اقل شي يبغاله ساعة
انا اشوف متى يستوي بالنظر

لمايقرب يستوي اضيفي الفلفل البارد

الحين خلصنا اللحم نجي للرز
انا لو مثلا حطيت صحن رز احط 3 صحون ماء مقابله

روحي على قدر اللحم وطلعي اللحم والخضار وخلي المرق بس بس
والمرق خذي منه للرز بنفس المقدار اللي ذكرته لك
صحن رز مقابله 3 مرق وطبعا ضيفي شوي ملح على المرق علشان يكوز الرز اطعم

حطي الرز ثم المرق ثم شوي زيت على نار عالية
لما تشوفين شوي من الماي بدا ينشف جيبي اللحم والخضار وحطيهم على وجه الرز
وغلفيه بالمونيوم ووطي النار عليه وانسيه حول نص ساعة

وترجعي بعدين تلقي الامور فل الفل


حطي بجوجل كبسة لحم بخضار منال العالم وشوفي
انا عملته نفسها الفرق الوحيد بطريقة طبخ اللحم

طريقتها اتوقع اللحم بيطلع اطعم


ملاحظة روح

ممكن تبهري اللحم قبل بساعتين من الطبخ علشان يا ذ نكهة اقوى

__________________
الحمدلله الذي بنعمته تتم الصالحات