المشاركة الأصلية كتبت بواسطة غرور الويلان

ماشاء الله الله يتقبببببل منك يارب

حبيبتي انا حجيت قبل سنتين واتمنى ارجع اعيدها شعور ثاني الحج
راح اعطيك نصايح
كثري ملابس كل يوم لبسه
فيه مجموعة الشامبو الي من غير عطر اتوقع اسمها بازلين تلقينها بالصيدليةً
لبس العيد اهتمي فيه ترى بالحملة بتحسي بجو العيد والناس تلبس وتكشخ لدرجة حنا بالحملة موفرين استشورات وعاملات
العبايات ثنتين والبسس خمار بيكون مريح وثابت غطاك لانه فيه مشي وتنقلات بالقطار
الجزم وانتي بكرمة خوذي فلات او رياضية افضل خوذي ثنتين لانه ممكن تنقطع او تضيع
لاتنسى شرابات على عدد الايام
خلي معك شنطة بلاستيك لاغراض الحمام فرشة الاسنان والاشياء هذي لانه ماتخرب مع المويه
وفيه شنط بلاستيك كبيرة عشان لما تبدلي ملابسك وترجعي للغرفة تكون ارتب بالكيس وسيده على الشنطة حقت ملابس للحمام اخذتها من سيتي ماكس
السجادة لاتنسي صغيرة حقت الجيب
خوذي شنطة صغيرة تكون على جنب بمكة اغلب النساء معهم. حطي فيها جوالك وصرف عشرات وخمسات للصدقة كمان شريط بناودل
الفلوس وبطاقات الصراف كل شخص معكم يكون معه بطاقة وفلوس احتياط لاتعمتدوا على واحد
الجوال خوذي جوال عادي ابعدي عن الواتس والنت اي شي عندك سوال بالحملة فيه داعيات وولي امرك يسال
فيه خدمة الحج. اشتركت وقتها على الجوال كل يوم يرسلون مناسك اليوم ويوم بيومه يشرحون بس ناسيه الخدمة

اهم شي الدعاء ومن الان ركزي على الدعوة اللي تتمنى تتحق وادعي هناك لانه ممكن تسهين وتنسين الدعوات خاصة يوم عرفة بس انتي الدعوة اللي تتمنيها كرريها طول الحج وعند الرمي
فيه كتاب جدا جميل اسمه الف سنه في اليوم والليلة اطلعي عليه هنا وطبيقه بالحج بيكون لك الف سنه لو حرصتي اشد الحرص تطبيقها كاملة
لو تاخذي معك توزيع خيري كتب ادعية ومسواك توزيعه على اللي معك بالغرفة

انتبهي تتذمري لو تعبتي ترى تعب كل يوم بيروح في يومه ولاتخربي حجك هناك بتشوفي ناس ممكن تسب وتتكلم وتغتاب

القران حاولي تختميه الاستغفار والدعاء
اكتبي في اليوتيوب عشرة ذي الحجة وشوفي فضلها والاعمال فيها التسبيح تكبير تهليل حاولي لسانك دايم رطب

هذي اشياء سريعة كتبتها لك
لاتنسيني من دعواتك ربي يعوض علي ولاتنسي حلم تاىة من الدعوات